PHUN CAAN

January 30

Tlawngkai Ninga

 

Phun Caan

 

Siar:

Galati 6:6-10

 

Nangmah le nangmah bum aw hlah. Zo khal in Pathian a dekcok thei lo. Milai cun an tuahmi vek cekci in an khawm ding. – Galati 6:7

 

Kumkhat sung Baibal:

          Suahlannak 23-24

          Matthai 20:1-16

 

Atu fang caan hi leiltun hmun khatkhat ahcun thlaici thlak caan a si ding.

 

Cuvek in Kum Thar caan ih tuah kan tummi pawl cu kanmah le midang hrangah kan nun leiram ih thlaici an si ding. Hih Assisi khuami Francis ih thlacamnak hi hliamhma a tuarmi kan leilung pi hrangah tthatnak rak thlentertu huham nei le zohtthim tlak a si.

 

A thlacam cu, “Bawipa, Nangmai’ daihnak thlentertu hriamhrei ah i tuah aw. Huat awknak hmun ah duhdawtnak; khawnnat awknak hmun ah zaangfahnak; rinhlelnak hmun ah zumnak; beidongnak hmun ah ruahsannak; thimnak hmun ah tleunak; riahsiatnak hmun ah lungawinak, thlaici tuh dingin” ti a si.

 

Sangvut a vorhtu Lothlo pa cun a phunnak Loram ihsin sangvut kung a hnah keuh cu a mang a bang hrimhrim lo ding. Cumi cu hih leitlun thlaici vorh le khawm daan tlangpi a si. Pual in thlaraulam thu ah cumi vek thu cu a hmang. “Nangmah le nangmah bum aw hlah. Zokhal in Pathian a dekcok thei lo. Milai cun an tuhmi vek cekci in an khawm ding” (Galati 6:7). Kan milai tisa sual duhnak cun Pathian lungawiter ding in fiallai ah, “Na duhnak tuah,” (c.8) a ti.

 

Tuni hi phun caan a si. Pathian in thu in kam: Ning lo teih kan ttuan ahcun a caan a kim tikah rawl kan khawm ding” (c. 9).

 

Kan nun cu heng hmansehla thlaici ttha tuh uhsi,

Faang-at caan cu A hnenah taanta uh;

Bawipa ih in fial vekin pe in ttuan uhsi!

Kan ttuan man A hnenah zoh uh.

 

Thaisun ih khawm na duhmi tuni ah thlaici vorh aw.

Comments

comments

Comments

%d bloggers like this: