Phuanlang Awknak

 

 

July 1 

Tlawngkai Nithum

 

 

 

Siar:

Luka 2:25-35

 

“Cutikah Bawipa ih huham cu a lang dingih mi hmuahhmuah in an hmu ding. Bawipa amah rori in a kam zo a si,” a ti. – Isaiah 40:5

 

Kumkhat Sung Baibal:

–   Job 20-21

–   Tirhthlah 10:24-48

 

A mil aw lo hlei ah a hlunzet thlang ih sii hnihmi khal a kok ttheh zomi, innsung thilri pawl le meisa (electric) vannak benmi mawi lo zetzet thawn innkhan pakhat cu zoh a siazet. Innkhan neitu pa in remh tthat a tum rero nain a mawi thei cuang lo, zoh a  sia thotho.

 

Television (TV) program sung ihsin innkhan remh thu cawngia an suah. Innkhan neitu pawl thu an suh hnu ah, pungsan suai (designer) thiamtu in innkhan tthabik si dingin a suai. Cuih innkhan pungsan an suaimi zohtu pawl le innkhan neitu pawl cu innkhan thar an hmuh tikah an mang a bang cio.

 

A hlan ah kan leilungpi khal remh tthat lomi innkhan vek a rak si. Minung pawl in an taa a si lomi thil pawl an rak keng. A tthatnak dawnkhamtu thil pawl an tuah. Nun a har ih hmual a nei lo.

 

Bible cu Pathian ih tumtahmi nun daan tthabik in hmuhtu a si. Tikcu a kim tikah Pathian ih phuanlang awknak nasazet cu Jesuh Khrih a si. Simeon in Jesuh naute a hmuh tikah, “Na rundamnak cu ka mit rori in ka hmu zo. Gentile mi pawl hnenah na sinak langtertu tleunak a si ih na minung Israel pawl hnenah sunlawinak langtertu a si,” a ti (Luka 2:30-32).

 

Pathian ih duhmi pungsan le Jesuh Khrih ih zohtthim tlak nan kan thlun tikah kannih tla Pathian ih phuanlang awknak pungsan tthen khat ah kan cang ve a si.

 

Bawipa, Na thlarau ka hnenah atu run kuat aw,

Ka mit i tham in khua i hmuhter hram seh!

Na ttongkam sungih a thup awmi thutak i hmuh aw,

A phuang awmi Bawipa, na Cabu sungah ka hmu.

 

Jesuh Khrih hnen ih ka baakmi hmuahhmuah

A Cabu thiang Bible sungin ka hnenah a phuanglang ttheh zo.

(Visited 22 times, 1 visits today)

Comments

comments

Comments

%d bloggers like this: