Philippines Typhoon Thlisia Ruangah Mi 900 Thi Zo

_64599733_64599732Tuzarh Tlanwgkai Nihnihni, 11.12.12, ah Philippine acozah in Bopha Typhoon ruangah a thitu hi mi 900 a kim zo ih, mi zatel khal an hlo ti’n a sim.

Bopha Typhoon hi Dec 4, 12 ahkhan, Philippine ram thlanglam ih um a bikin Mindanao tikulh ah nasa zetin a hrangih mi 902 a that. Hmun tampi ah leilung pawl a ṭhawnaw thluh ih ti a lik. Cucu khaw 2,000 hrawngin an tuar ti’n mipi humhim ih harsabawmtu zunglam ihsin an sim ve.

Tong lomi mihlo hi zate kom in 615 hrawng an si. Hi thlisia Bopha Typhoon in Philippine a nuainak ah inn zate 149,000 rori a siatsuah. Minung 80,000 hrawng hi acozah ih thlisia beunak hmun pawlah an um. Cuvek hmun pawlah harsa zetin an um ih, beunak inn pawl hnget zetih a hmun theinak dingah ṭanlak a ṭulbet hrih ding. Inn le lo hlohtu, u le nau, sungkua hlohtu pawl tampi cu bawmnak petu lamin ṭanlak in an bawm ih beunak inn 63 ah an um.

United Nations in tuzarh Tlawngkai Nikhatni, 10.12.12, ah Typoon thlisia a tuartu Philippine mipi pawl hrangah leitlunpi huap ih bomnak $65 million pek dingin a sim. Bopha Typhoon tlhisia hi kan dung kum ih tlhisia Tropical Strom Washi in Mindanao tikulh saklam tipikam a nuai tikih mi 1,200 a thimi hnu-ih a nasabik thlisia cu a si.

(Visited 79 times, 1 visits today)

Comments

comments

Comments

%d bloggers like this: