Philippine Ah Meithal Thawn Mi Pakhat In Mi 8 Kapthat

shooting_1796401cMANILA : Philippine ramsung, Manila khawpi ihsin Km 14 tluk ih hlatnak hmun Kawit timi khua  ah, January 4, Friday sun ah, mi pakhat Ronald Bae timi pa cun mi 8 a kapthat thu theih asi. Hiti ih a kapthatnak san hi ziang asi bik ding ti cu an theifaing lo.

Asinan, Cavite provincial Governor  Jonvic Remulla cun, “Bae hin a liamciami kumkhat ah khan an khua ih khuabawi sinak a rak cuh dah nan a tlinlo raungah an khua hi a suahsan ih hmundang ah a va um. Cumi hnu ah, a nupi thawn an neihawknak ih thuthawn pehpar in an khua ah hin a ra kirsal.

Cutin A rakir ihsina a rualpi pawl thawn zu an in ih, rittheih dangdang khal an tham phah hai. Cutin a rit ngah hnu ah a meithal thawn a suak ih, an umnak zinkap khatlam ih um pa cu a kap that ih, a uico khal a kahthat sak. Cuthluh cun, kum 7 mi nauhak a kap that sal ih, naupai pakhat khal a kapthat ve asi” ti in asim.

Cuti ih a kah vivo nak ruang ah mi 8 cu a hmun ah an thihngal ih, mi 9 tluk sizung ah ret an asi. A kahmi nauhak kum 7 mi ih pu Edwin Lacorte cun, “Hi kahawknak a thlen ah keikhal innsung ah ka um ve. Nauhak tap thawm ka thei ih ka va tlan phei cu ka tumu 1 cu a thaw a um nawnlo. Midang 2 pawl khal an dinhmun ze zet in ka va hmu hai asi” ti in mitthli hal tiamti ten CBS News hrang thuthang lakhawmtu pawl hnen ah asim hai.

(Visited 37 times, 1 visits today)

Comments

comments

Comments

%d bloggers like this: