Pek Awknak Buai

December 15

Tlawngkai Nithum

Pek Awknak Buai

Siar:

Jeim 4:1-10

Bawipai’ hmai ah tangdor in um uhla a lo khaisang ding.  – Jeim 4:10

Kumkhat Sung Baibal:

–   Amos 1-3

–   Thuphuan 6

Lemcang hminthang minu pakhat in thu an suhmi a lehnak ah, a sam mawinak hrangah kum tinte dollar a thawngthawg a hmang ih tikcu caan nazi a zaza in a cem thu a phuang aw. Sam tuah cu zongsang pakhat ah a ra cang ih a buainak cu “sam ah pek awknak,” a si thu a phuang.

Pek awknak timi cu thuneitu hnenah pakhatkhat tuahsak dingin ap awknak asilole pek awknak khi a si. Himi actress nu hi mawi a duhtuknak ah a sam kha a nunnak uktu a siter.

Himi nu ih thuanthu hin kan thinlung ih duh hiarmi hrangih kan pek awknak thu in ruatter. A caancaan ah duhzetmi thil kan nei ih cumi ngahnak dingah ziang khal tuah dingin kan pe aw ngam maw? Upatnak ngah dingah maw, thilri neihsiah ah maw, kanmah le kanmah ah maw, rawl ei ttha ah maw, paisa ah maw, nunnomnak ah maw, ziangmi ah kan pe aw?

Paul in, “A thu nan ngaimi cu nan bawi a si ih nannih cu a sal nan si (Rom. 6:16)” a ti. James in, “Tisa nomnak hiarnak cu nan taksa sungah cat loin an sual aw ringring” (Jeim 4:1) a ti. Paul in, “Sualnak ihsin luatter mi nan si zo ih Pathian ih sal ah nan cang zo,” (Rom. 6:22) a ti.

Bawipa ih hmai ah tangdor ih um ding (Jeim 4:10) le kan thinlung um zia in hmuh ding le kan pek awknak buainak pawl theithiam dingin in bawm aw ti’n thlacam ding kan si.  – Anne Cetas

Bawipa, Nangmah ah pe aw dingin in bawm aw,

Na dung lo thlun le na thu lo ngai dingin;

A ttha lomi do dingin thazaang in pek aw,

Kanmhte’ thil ti daan ih tuah dingin.   – Sper

Zalennak diktak cu kanmai’ duh daan hril a si lo,                                 Pathian duh daan in tuah dingah pek awknak a si.

(Visited 28 times, 1 visits today)

Comments

comments

Comments

%d bloggers like this: