Pehzomtertu pawl

May 4

Tlawngkai Nikhat

 

Pehzomtertu pawl

 

Siar:

1Thesalon 1:2-10

 

Ziangahtile Bawipa ih Thu cu nanmah ih hnen ihsin Masidonia le Akhaia peng khuazakip ah a thlen lawng si loin Pathian nan zumnak thu cu khuaza ramkip ah a thang a si. Kanmah ih sim rero hman a ttul lo.        -1Thesalon 1:8

 

Kumkhat Sung Baibal:

   1Siangpahrang 16-18

   Luka 22:47-71

 

Market ih thilzuar thiamtu pawl in thil a tthatzia rualpi pawl ih simrel sak hi cawngia (advertising) tthahnem a si ti an thei. Company tampi cun an thil suahmi hmangtu hrekkhat kha namuna suahmi thil pawl alak in an pek ih innsang le rualpi pawl hnenah cuih thil ih tthatzia simsin dingin an fial. US ih company tumpi pakhat cun an thil suahmi le thil leinak lethmat pawl kha connectors timi midang simsaktu minung 725,000 hnenah kumtin an kuat.

           

Jesuh Khrih ih thuthangttha cu company thilsuak hnakin a ttha sawn. Cumi cu Pathian in minung pawl thawn a nung ih a cakmi pehtlaihnak an neih theinak dingih a tumtahmi a si. Thuthangttha cu tahtthim tlak nunzia le hmurka in midang hnenah zemdarh a si. Paul in Thesalonica khua ih zumtu pawl hnenah an nun daan in thuthangttha an phuanmi parah a lawm. “Bawipa ih Thu cu nanmah hnen ihsin khuazakip ah a thleng…..kanmah ih sim rero hman a ttul lo” (1Thes 1:8) a ti. Nan zumnak thuhla a theitu pawl in ziangbangtuk in milem nan tlansan ih a nungmi Pathian rian dingah nan pan ti an sim” (v. 9).

           

Pofessor pakhat in, “Kan thinlung in thotertu thurel cu minung daan a si,” a ti. Pathian zaangfahnak cu midang hnenih in Ruundamtu ih thu kan simnak ah kan thinlung in thoter biktu a si.

 

Jesuh in ziangti’n in ruun timi leitlun ah ka sim ding,

Nunnak thar ziangti’n in pek;

Ka thei fiang, na zum ahcun,

Ka hnenih i pekmi a lo pe ve ding.

 

Khrih in an hrangah ziang a tuah ti na sim duh asile

na hrangih a tuahmi sim aw.

(Visited 28 times, 1 visits today)

Comments

comments

Comments

%d bloggers like this: