Pehtlaihnak ih Hlawknak

October 21

Zarhpi Ni

 

Pehtlaihnak ih Hlawknak

                                                           

Bible Siar Ding: Saam 136:1-26

 

Bawipa ih hnenah lungawinak thu sim uh;

Ziangahtile Amah cu a ttha;

A duhdawtnak cu kumkhua in a hmun.

– Saam 136:1

A nungmi, thutak a simi, le pakhat lawng a simi Pathian thawn pehtlaih awknak dik neih cu tthathnemnak le hlawknak tampi a um a si. Cumi hlawknak tampi sung ihsin pakhat cu Patian ih duhdawt-zaangfahnak (lovingkindness) kan comi hi a si.

Pathian in A minung pawl thawih pehtlaih awknak a neihmi langternak le simfiangnak ih hmanmi ttongfang zate lakah a dang vek si loin duhdawt-zaangfahnak timi ttongfang hi a nasa cuangce. Himi ttongfang hi Hebru ttonghram (original Hebrew) ttongfang ihsin Mirangca ih an lehmi le an hmanmi ttongfang pawl cu: duhdawtnak (love), zaangfh lainatnak (mercy), tthatnak (kindness), a hmunmi duhdawtnak (steadfast love), asilole rin-ummi duhdawtnak (faithful love) tla an si.

Pathian in A minung pawl kan parih a neihmi duhdawtnak cu hih ttongfang zate hnakin a nasa deuh, duhdawt-zaangfahnak (lovingkindness) cu original Hebrew ttong thawn a nai awbik in langter theitu a si ding. Cumi cu Pathian in Amah thawn thukzet ih a pehtlai awtu pawl hnenah ahleice ih a karhter (extend) deuhmi duhdawtnak a si.

Israel mi le Bawipa lakih an neihmi thutiamkam pehtlaihnak (covenant relationship) cu A minung pawl harsat mangbang an ton caan ah an hnenih a umpinak le a humhimnak,  an hrangah lamzin pakhatkhat ih a bom theinak a si. Bawipa Pathian cu A thukam tlunah rin-umnak a nei ringirng ih A minung pawl par khal ah rin-umnak a nei ringring. A minung pawl in rin ngam lonak an neih hmanah a rin-umnak cu an hngat thei a si.

Zumtu Christian pawl tla Bawipa thawn thu tiamkamnak nei ding kan si. Jesuh Khrih thawngin, Pathian in kan parih a neihmi A duhdawt-zaangfahnak cu rin-umzet in a karhzaiter tengteng ding ti’n ngamzet in kan hngatsan thei ringring a si.

Bawipa, Na duhdawt-zaangfahnak laksawng in pekmi parah lungawithu ka lo sim. Nitin Na duhdawt-lainatnak hngatsan thei dingin in bawm hram aw.

Tuih zarhkar sungah Pathian ih duhdawt-zaangfahnak ahleice ih langternak cu ziangtivek in tontehnak ka nei thei pei? 

 

@Pennington

(Visited 22 times, 1 visits today)

Comments

comments

Comments

%d bloggers like this: