Pehtlaih awk daan a Sangsang

November 4

Zarhpi Ni

 

Pehtlaih awk daan a Sangsang

                                                           

Bible Siar Ding: Efesa 5:21-33

 

Ziangahtile Khrih cu Kawhhran tlun ih thu a neih vekin pasal khal in a nupi tlunah thu a nei ve.

Khrih Amah rori cu Kawhhran Runtu a si ih Kawhhran cu a ruangpum a si.   

 – Efesa 5:23

 

“Hruaitu ih dung ihsin thlun aw,” timi cu duhdawtmi fahniang hrangah san tampi sung lehpannak (game) ih simrelmi a rak si vingvo zo. Nauhak pawl cun an thlun dingmi hruaitu an hril ih cuih an hril ngahmi hruaitu ih nun daan, mizia le a thiltuahmi tapoh a zate’n an cawng thluh. A hlawhtling bikmi dungthluntu pawl cu anmai’ tikcu caan a hung thlen tikah a hlawhtlingmi hruaitu ttha an hung si ve.

Upa kan hung si tikah kaihhruai-awknak (leadership) hi thil ol a si lo zia kan thei, ziangahtile Pathian in remcang dingih in tuahsakmi kaihhruai awknak a sangsang kha lungkim le diriam tawk loin dokalh dingih kan zuam ruangah tla a si thei. Puarthaunak le hngalnak in Pathian ih hrilmi le hriakthihmi pawl kha in dokalhter ttheu a si.

Tirhthlah Paul in kawhhran hmaisa sanlai ih zumtu pawl hnenah zumtu Christian pawl cu pakhat le pakhat ttihzah awton ding le thungai aw dingin a zirh. Bible ih hmanmi pumpeknak (submission) timi langtertu dingih a hmanmi Greek ttongfang ih sullam cu tuni ih kan hman daan thawn cu an bang  aw lo. A sim duhsan cu kan sungah dinhmun a sangsang te’n kan um thiam ding le raalkap bur sungih umtu pawl in an lakih dinhmun (rank) a saang deuh pawl an upat, an ttihzah ih an thu an thlun bangin kannih tla kan dinhmun le ttuanvo neihmi ih zirin hmaizah awkton thiam ding kan si.

Paul in ziangti’n kan tuah ding timi simfiangnak a nei: Pasal pawl in Khrih thuthlun ding; ih nupi pawl in pasal thuthlun ding. Paul in innsang ah fanau pawl in nu le pa ih thungai ding le sal le hnen-um pawl in inntek nu le pa le cawmtu pawl ih thuthlun ding. Hnattuantu hlawhfa pawl in an bawi (boss) pawl ih thuthlun ding tivek pawl hi a si.

Pathian in kanmah uktu le kaihruaitu dingih a ret hngaimi upa le hruaitu pawl ih thu kan thlun thei asile Sersiamtu Pathian kan upatnak kan langter tican a si.

Bawipa, ka tlunlam ih thuneitu upa le hruaitu pawl ttihzah upat thiamtu le an thuthluntu ka sinak in Nangmah lo upattu si thei dingah in bawm aw.

An thu ka thlun dingah Pathian in zo pawl so ka hrangah a ret? Cu pawl parah ttihzah upatnak ka nei maw ka dokalh sawn so?

 

@Pennington

(Visited 29 times, 1 visits today)

Comments

comments

Comments

%d bloggers like this: