Peace & Humanitarian Prize, Kim Jong-Un in Ngah

11813520_10155862803100035_7718545606477084362_nA dik, ngan sualmi a si lo. Leitlun ih thuneitu le ram-uktu lakih, misualbik lam ih theih larzet mi, North Korea President cu Indonesia ih “The Sukarno Education Foundation (Sukarno Center)” in tu kum September thla ah himi laksawng pek ding in a phuang zo.

Himi laksawng hi, Mahatma Gandhi le Aungsan Suu Kyi khal in an rak ngah dahmi a si. Ṭuanvo neitu Indonesia ih hmaisabik President fanu Rachmawati Sukarnoputri in “Kim cu neo-colonialist imperialism a dokalhnak hrimhrim ah, sunlawihtlak a si” tin a sim bakah, minung covo (human rights abuse) a siatsuah mi pawl cu nitlaknak ram pawl (Western) ih “propaganda” men a si tin a sim bet.

Kim ih a pu Kim II Sung le Rachmawati ih pa hi 1945-67 ih an lal lai veve ah rualpi ṭhazet an si tin AFP cun thuthang ah a tar lang. 2013 khal ah Malaysia ih privately phunsang tlawng pakhat cun, Kim cu “honorary doctorate in economics” timi cawimawi nak a rak pe. Asinan, North Korea ram cu tusun ni tiang leitlun ih rethei le farah bik ram pakhat dinhmun ah a um lai thotho.

Comments

comments

Comments

%d bloggers like this: