Pathian Umpinak Covo Hleice

August 3
Tlawngkai Ninga

Pathian Umpinak Covo Hleice

Bible Siar Ding: Ezekiel 10:1-4, 18-19, 11:22-23, 48:35

Biakinn cu tleunak in a khah ruangah puithiam pawl a sungah an lut thei lo. – 2 Sansiarnak 7:2

Pathian ih in umpinak (presence) hi zumtu hrangah bomnak covo hleice ka ngahmi (granted) tiih laak ding hi ziangtluk in so a ol?

Bawipa ih sunlawinak Temple sungih a hmaisabik a phuanlang awk hnu kum 400 hnu ahcun Israel mi pawl ih nunnak ah Yahweh Pathian ih umpinak timi hin hmual a nei thei nawn lo. An miphun in Pathian an hnong, asilole an taansan ruangah Pathian in Assyria le Babylon mi pawl ih raaldo nehnak ih sal cannak in thu a tthen. Babylon sal an taan lai ah Bawipa in profet Ezekiel hnenah Jerusalem Temple ihsin Pathian ih sunlawinak in a suahsan zia langnak (vision) a hmuhter. Pathian ih minung pawl in A umpinak ih hlawknak an hloh a si.

Tuni zumtu kannih nunnak ah teh ziang kan bang? Kawhhran ih kan biakkhawm tikah Cungnungbik Parthian thinlung takih bia ding le thangtthat dingin kan feh taktak maw? Asilole zumtu kan khawm awknak hmun ah Yahweh Pathian ih umpinak atak in kan tep maw? Pathian in in umpi rori a si ti theihnak le thlangamnak teh kan nei maw?

Nitin kanmah pumpak Pathian thawn pawlkomnak caan daite (quiet time) kan hman tikah kan thlacamnak le Bible kan siarmi in Pathian aw kan thei ringring maw? Asilole Pathian ih uknak huham umnak khaan sungah lungawinak thinlung thawn zumtu ih kan covo hleice caan ttha hmang dingin kan lut maw? Amah cu kan hnenah in umpi ringring a si, kanmah ih kan theih khal ah theih lo caan khal ah!

Israel mi pawl cun Jerusalem cu Yahweh Shammah, Bawipa cu Khinah A Um (The Lord Is There) tiih an kawh ding Ni a ra thlenlai ding kha an hngak cuahro. Christian pawl hrang ahcun “Bawipa cu hinah a um (The Lord is here)” a si. In umpinak ih ahleice covo asilole Pathian umpinak ih hlawknak hi sunloih in kan hmangfuh thiam maw?

Yahweh Shammah, Jesuh Khrih thawngin Na umpinak thianghlim sungih luh theinak covo hleice i pek ruangah lungawithu ka lo sim.

A liam ciami zarh kar khat sungah Yahweh Pathian ih umpinak ka covo hleice hnaihnoktu ziangmi so ka nunnak ah ka umter?

@ Ava Pennington

(Visited 26 times, 1 visits today)

Comments

comments

Comments

%d bloggers like this: