Pathian Ttongkam ih Famkimnak

January 12
Tlawngkai Nili

Pathian Ttongkam ih Famkimnak

Zumnak neih timi cu kan ruahsanmi kan ngah tengteng ding, ti zum le kan mit ih kan hmuh thei lomi a um rori a si, ti zum khi a si.
– Hebru 11:1

Bible Siar Ding: Hebru 11:1-10

Kannih hi dizi (tide) a kainak ding hmun a niamnakbik ih umtu tla kan si men thei, asinan cumi cu dizi (tide) a kai zawngih a kaipi theinak hmun ttha ih um tla a si thei ko. Ziangtinkim hi Thlarau Thianghlim thawn khahnak parah a tthum aw a si. Kannih cu A huham cahnak ih tonghtham theinak le a khuakhan lairelnak sungah tiari (ready) cia kan si ahcun khuaruahhar le mangbangza thil a cangsuak thei a si.

Ziang hmuahhmuah cu Pathian kan zumnak parah a tthum aw thluh. Rundam fa kan si ahcun, cumi cu lamzin umsun a si, ziangahtile Pathian Thu Bible in in simmi a si. Kanmai’ thinlung phuurnak parah tthum awk a theih lo. A nungmi zumnak lo cun kannih in tuah theimi taktak zianghman kan nei lo. A si tengteng dingmi thil cu, Pathian Amah rori A Fapa neihsun Jesuh Khrih in a ra ih thazaang cahnak huham in pek, curuangah zumtu cu kan taksa ruangpum khal Pathian huham ih tuammi kan si. Pathian sungih kan um ahcun kan hrangah ziang hmuahhmuah a cang thei thluh a si.

Pathian ih tumtah cu kannih hi hih leitlun ah Amah ih sunlawinak phuanglangtu ding kan si. Cumi cu ziangtiklai caan khal ah Satan khawsia ih huham in a dokalh ringring. Pathian in kan nunnak khal ah a mifel Job nunnak parih a rak ttong vekin sim thei ve dingah in duhsak. Bawipa in, “Ka siahhlawh Job khi na hmu maw? Leilung pumpuluk ah amah bangtuk mi ttha le rinsan tlak zohman an um lo. Keimah i bia ih thil ttha lo zianghman a tuah lo” a ti (Job 1:8). Bawipa ih lungawinak cu kan sunglam nunram ah a langfiangzet thei ih Pathian thawn khat tahrat in Satan cu kan kawk thei ve a si.

Pathian in kan hmuh thei dingah langhnganzet le fiang keukeu ih a langtermi cu hiti’n a si: “Ziang khal zumnak parih bun loin tuah cu sual a si” (Rom 14:23). Pathian in A duhnak sungah kan duhnak tthum thei ve dingah in duhsak. Curuangah kan hmuh theimi cu, Pathian Ttongkam a zate’n kan zum thei lo ahcun kan sunglam ih thil um daan cu Pathian Ttongkam ih famkimnak cohlang thei dingin a thianghlim thei lo ding. Mi tampi in an minung fimnak kha Pathian ai-awh ah an ret ruangah Pathian in an hrangah a tthabik in a tuahsak thei lo, ziangahtile milai tisami sinak cu Pathian ih sinak thawn ziangtiklai caan khal ah an dokalh aw ringring a si. Pathian in kan hnen ihsin thil ttha a ngah thei lo ding, kan minung tisa duhhiarnak a hloh verver hlan sung ahcun.

Thlarau Thianghlim cu kan khuaruah le nunnak uktu a si lo ahcun Pathian hrangah zianghman tuah theimi taktak kan nei thei dah lo ding.

@ Smith Wigglesworth

(Visited 34 times, 1 visits today)

Comments

comments

Comments

%d bloggers like this: