Pathian Tonnak

February 9

Tlawngkai Nihnih

Pathian  Tonnak

Siar:

Hebru 11:1-10

Ziang thuhla hmanah donhar in um hlah uh; thla nan cam tinte in nan ttulmi cu Pathian hnenah dil uhla lungawi aipuang te’n dil uh.

-Filipi 4:6

Kumkhat Sung Baibal:

–   Puithiam 6-7

–   Matthai 25:1-30

Pathian ih cangvainak le kilkhawinak hi seemsuahnak sung le sersiammi in kan hmu thei. Cuhrangah thlacamnak hrekkhat lehnak hi a si rori ti ding a harzet.

C.S. Lewis in, “Zumnak lawngin pehtlaih awknak hi amahkhan thei a si. Ziang dang hman in a dik ti hmuh theinak a um lo” a ti. Thlacamnak in let ti ih kan zummi hi science lam ihsin hmuh theinak a um ruangah a si lo, kan zumnak ruangah a si.

Pathian kan ton tambiknak cu leitlun thil pawl, Baibal, Bawipa Zaanriah, kawhhran, kan minung pi,.. tivek tham theihmi thil pawl hnen in a si. Pathian cu Thlarau a si ih thlacamnak in kan thleidan awknak a langfiangter.

Pathian hnenah bomnak kan dil ih kan ttul daan vekih in leh tikah khuaruahhar ding a um lo. Zuri pa in, “Bawipa tuih sun zu in lo dingin i bawm aw,” ti’n thla a cam. Himi thlacamnak lehnak ding cu mangbangza mitkher vekin palang pawl hloter thluh sisawn loin, a sunglam ihsin mahte relcat ih thlengh awknak, asilole rualpi hnenih bom dilnak ihsin a si sawn.

Pathian in Thlarau a sinak huham in pek caan ah siseh, Amai’ thungai dingah huham in pek caan ah siseh, Amah ih sinak cu kan zum ih pawlkomnak, rem-awknak le pehtlaih awknak diktak kan hmu.

Ding te’n feh thei dingin i bawm,

Hmuhnak si lo zumnak in;

I hruai vancung tleunak thawn,

Na lamziin i zirh.

Thlacam tikah a thupitzetmi pakhat cu

kan thlacamnak in lehnak sungih tel ding khi a si.

(Visited 25 times, 1 visits today)

Comments

comments

Comments

%d bloggers like this: