Pathian Thu Sungah A Um

Pathian Thu Sungah A Um

Siar:Saam 119:25-32

Nangmah in theihthiamnak i pek ding ruangah, Na thupekmi cu thathozet in ka thlun ding. – Saam 119:32

Kumkhat sung Baibal:     – Seemtirnak 36-38     – Matthai 10:21-42

A ttha lam ih thu hmu thiamtu ka si vekin milai nun cu tthat caan le khawthim caan khal a um thei ti ka thei.

Ka ton dahmi tleirawl pakhat cu a nu le a pa parih a thinhennak ruangah an tlawng ihsin a tlan hnu ah inn a tlungkir saal. Thinharnak sungah tampi a um.

Keimah le ka nupi vekin rin lopi ih faate ih thihsanmi thinhar pawl hnenah caan tampi ka hmang.

Farahnak in leitlun hmunkip ah hna a ttuanzia ka hmu.

Hivek ih thil ummi ka thei na’n ka bei a dong lo. Jesuh Khrih sungah ruahsannak a um ti ka thei. Thlarau Thianghlim ih lam hmuhnak a ra, theihthiamnak le huham cahnak cu Pathian Thu sungah a um.

Saam 119 in tha i pek. Kan thlarau cu leivut lakah nuamnuai in um hmanseh Pathian Thu vekin a thoharh saal ding (c. 25). Kan thinlung cu riahsiatnak in khat hmansehla a thu tiammi in ka tha a tlungter (c. 28). Thuphan thu in in lauter hmanseh a thutak kan thlun thei (cc. 29-30). Pathian ih thupekmi in kan thin a nuamter ding (c. 32).

Ttulsamnak in a lo khuh maw? Lo bawm dingah ruahsannak, lamhruainak le theihnak na ngah thei. Pathian ih Thu (Bible) sungah a um.

Na thlarau caar in a ti a haal asile,

Thinharnak in a lo cauter asile;

Na tha tlung saal dingah Pathian Thu ah feh aw,

Hnangamnak le thazaang thar na ngah ding.

Tthazet ih Baibal siarnak in thlarau nun tlaizet in a cawm.

(Visited 25 times, 1 visits today)

Comments

comments

One Comment

  1. A tha ka ti nasa kei ka hrang rori hmang ka ti

Comments

%d bloggers like this: