Pathian Thlarauthianghliam India Miphun Nauta Pawl Hnenah A Thleng

14063730_1184852424868647_3225723975025763531_n

Leitlun hmun zakip ah Pathian thlarau thianghlim thlen theilonak ding ih hmun fate le kelkawm khal a um lo. Pathian in a mi pawl hmangin a thlarau thianghlim a cangvai peh vivo.

India ram ih zohman an thlen dahlonak hmun, mi dang pawl khalih an tlawn tuk dahlonak hmun ah Pathian thuthangtha a thleng ih, thangharnak a thleng. Mi tamzet in Pathian an zum tiah Christian Aid Mission pawl cun an tarlang.

Bhuiya miphun nauta pawl hnen ah tuikum February ihsin April tiang Christian Aid Mission pawl in thuthangtha simnak an neiih, khawte 35 ih mipi 2800 lenglo hnenah Pathian thusimnak an nei. Mi 1160 in Pathian an zum ih tihnimnak khal an nei. An lak ih mi 391 pawl hi nunau an si. Culawng siloin Pathian biaknak hmun biak inn 12 khal an sak thei tiah an tarlang.

Bhuiya timi miphun pawl hi miphun nauta tiih an ruah mi pawl an si. An biaknak bik cu Hindu a siih, mihrek khat cun ni le thla le arsi pawl betu khal an um. India ram ih miphun lakah Dalit pawl le Bhuiya pawl hi mipi vantlang umnak hmun khalih um an sian lo mi a um. Cumi pawl hnen ih Pathian duhdawtnak thuthangtha a thlen hi zumtu pawl hrangah cun lungawi za ngaingai le Pathian ih thilti theinak a tak ih a langnak a si.#

– Christian Today

(Visited 156 times, 1 visits today)

Comments

comments

Comments

%d bloggers like this: