PATHIAN THEIH OLNAK

PATHIAN THEIH OLNAK

SIAR:

John 17:20-26

Pakhat le pakhat tlunah duhdawtnak nan neih ahcun zokhal in

Keimah ih dung thluntu nan si kha an lo thei ding. – John 13:35

Kumkhat sung Baibal:

Ezekiel 16:18;

Thufim 12:15-28

Tuvek tikcu hi Catalog timi theih-olnak thuthang zaiternak ngah tikcu a si. An zate’n atu rori ih kan ttulmi theihternak a tel ringring. ‘Tlai hlah!’ ‘Leiteek a um,’ ‘atu ah hmin pek aw’ ti an si ttheh. An um le um lo hman kan thei dah lomi an si nain kan ttulzetmi an bang ttheh.

Thil tuahtu pawl hin an thil tuahmi midang ih duhzetmi siter dingah a phunphun an hmang. Cuvek in Khristian pawl tla hi Pathian theih olnak dingah tuahmi kan si. Kanmah pawl cu Pathian in leilung a peek dingmi hmuhsaknak kan si. Pathian in kan sungih hna a ttuannak cu midang in si an duh ve ding maw, duh lo ding ti cu kan par ih an hmuh, an theih daan ah a tthum aw.

Jesuh in a dungthluntu pawl hrangah thla a cam, pumkhat an sinak ding le Pathian ih thlahmi le a duhdawt mi an si ti an theih ih Amah Pathian an duhnak dingah (John 17:23). Kan sungah Khrih a nun ahcun Pathian ih duhdawtnak langtertu kan si. Kanmah in duhdawtnak kan tuah suak thei lo. Pathian in a tuah ih kannih cu a sersiammi (tuahmi) kan si.

Thuthan le theihlarnak kan zoh vekin na nun in midang ziangti’n Pathian a theihter. Pathian ih tthatnak le Pathian ngainatnak na nun in phuansuahmi a nei maw?

Leitlun mi in kanmah ah ziang an hmu?

An duhzetmi ziang a um?

Ngah duhzet mi an hmu maw?

Mi hnen thlentu duhdawtnak.

Zumtu cu “Pathian thehlartu” na si, Mi in na nun ih an hmuhmi an duh maw?

(Visited 31 times, 1 visits today)

Comments

comments

Comments

%d bloggers like this: