Pathian Thawn Lungkim Tlang

April 23

Tlawngkai Nili

 

Pathian Thawn Lungkim Tlang

 

Siar:

Matthai 15:1-9

 

‘Himi pawl hin an kaa lawngin in upat ih an thinlung ngaingai cun in hlatzet a si.        -Matthai 15:8

 

Kumkhat Sung Baibal:

   2 Samuel 16-18

   Luka 17:20-37

 

Radio thusimtu pa in biaknaklam thu a simnak ah mi titer-aw pawl thu nasazet in a sim. Biaknaklam ih mah le mah titer-aw pawl ka ngaih lo, a ti. “Biaknak thu an rel nain keimah hnakin an ttha cuang lo. Curuangah lo ziang biaknaklam hnattuantu pawl ka duh hngai lo,” a ti.

           

Amah cun a thei lo ding na’n Pathian thawn an lung a rual. Pathian in fiangzet ih a simmi cu mah le mah porh aw pawl a duh lo. An simmi le an nun a linglet.

           

Jesuh in mah le mah porh aw pawl thu a sim: “Himi pawl hin an kaa lawngin in upat ih an thinlung ngaingai cun in hlatzet a si. Milai ih tuah copmi daan kha Pathian pekmi daan vekin an zirh ruangah keimah in biak rero khal hi tthathnemnak zianghman a nei lo” (Matt. 15:8-9).

           

Jesuh sanlai ih mah le mah porh aw biktu cu farasi pawl an si. Jesuh in mi depde pawl tiah vei sarih a ko hngai (Matt. 23). Anmah cu biaknaklam minung an si ih mi ih hmuh ah tthat an hlawh nain Amah thawn an hlat awkzia Pathian in a thei.

           

Zumlotu pawl in mah le mah tthater aw pawl tiih an kutzung in khih tikah an dik. Pathian thawn an lung a rual. Kan tuah dingmi cu pumpek ih sunloih tlakmi Pathian kan nunnak rori ih sunloih ding hi a si.

 

Mah le mah porh awk cu sualnak tlangpi a si,

Cumi in Pathian riah a siatter;

Pathian cun Amah biaktu ding a ngai,

Zumnak, thutak le duhdawtnak thawn.

 

Tuahnak um loin Khristian kan sinak kan phuang men tikah

Satan a di a riam.

 

(Visited 32 times, 1 visits today)

Comments

comments

Comments

%d bloggers like this: