Pathian thawn Feh tlang

December 27

Tlawngkai Nili

 

Pathian thawn Feh tlang

 

Bible Siar Ding: Seemtirnak 5:21-24

 

Enoch cu Pathian thawn kum 300 an um tlang.

–         Seem. 5:22

 

Tualleng tlawngta nauhak pakhat a nu le pa thawn lam an feh tlangmi na zoh dah maw? A caang ahcun a nu le pa man thei dingin a kal rang ciam co ih a caang le an hmai ah tlan in ka nu le pa in in naih maw ti’n a zoh ttheu.

Mi pakhatkhat thawn lamzin feh tlang tikah ziangmi a thupi? A pakhatnak ah feh tlang thei ding cun kan thlen duhnak ding hmun a bang awk a ttul. A pahnihnak ah feh tlang thei ding cun an pahnih in hmun pakhat ih an um tlang a ttul, hmai ah rak tlan tivek le dunglam ah taangta tivek a ngah lo.

Pathian thawn kan feh tlang theinak ding khalah cuvek in a si ve. Sualsirnak thawn kan fehnak ding hmuitin kan thlengh a ttul, ih sualnak dung thlun nawn lo a ttul, cumi ai ah Runtu Bawi dung thlun a ttul. Cuti’n Thlarau Thianghlim in lam in hruai ding a si. A hmai ih kan rak tlan cia tikah le thlun lohli loin dungih kan taangta tikah harsat buainak a thleng.

Immanuel Pathian cu kan hnenah a um ringring. Ziangti’n Amah thawn kan feh tlang ding timi cu Amah thawn kan um asile timi parah a tthum aw.

Immanuel Pathian, na hmai ah ka rak tlan, asilole na dunglam ah ka taang ttheu ti ka thei aw. Sualsirnak le thuthlunnak thawn Nangmah thawn feh tlang thei dingin in bawm hram aw.

Tuih zarhkar sungah ziangti’n Bawipa hmai ah ka tlan hla, asilole A dunglam ah ka taang hla? Tuni ah Pathian thawn feh tlang thei dingin ziang ka tuah ttul?

 

@Ava Pennington

Comments

comments

Comments

%d bloggers like this: