Pathian Thawn Daite'n Um Caan

January 28

Tlawngkai Nili

Pathian Thawn  Daite’n Um Caan

Siar:

Saam 23

Ka thazaang a tlungter saal ih, a thiangmi tiva kam ah i hruai.

– Saam 23:2

Kumkhat Sung Baibal:

–   Suahlannak 19-20

–   Matthai 18:21-35

A pehzom awmi (connected) timi ttongfang in tulai san ih nunnak a hiipzet. Mi tampi cu kutken phone, laptop timi cawn parah ret theimi computer fate loin khui hman an vaak dah lo titluk a si. Nazi 24 sung pehzom-awk a theih. Thinlunglam thuhla thiamtu pawl in mi thawn pehzom awk duhtuk hi riitnak/cuainak phunkhat in an hmu. Mi tampi in thiltuah thiamnaklam hi mal vingvo hman an tum, ziangahtile daite’n an caan hman an duh.

Zumtu tampi in nitin Bible siar le thlacam cu an Khristian nun ih um lo cang lo ah an ruat. “Daite’n um caan” hi Pathian thawn pehzom aw dingin in hnaihnoktu a lenglam thil pawl thawn pehzom awknak phelh caan a si. Saam 23:2 ih tlimno le a thiangmi tidai hi hramlak mawite men an si lo, Pathian thawn kan pehzom awknak, kan thlarau a rem tthat saal ih a lamzin ah in hruainak a si (c.3).

Kan zatein Pathian thawn tong-aw dingin kan caan kan hmang maw? Robert Foster ih cabute 7 Minutes with God sungah hiti’n ruahnak a pek: Pathian ih lamhruainak hrangah thlacamnak tawite thawn hram thok aw, cuih hnu ah minit malte Bible siar aw, thlacamnak thawn caan netter aw. Na thlacamnak ah: upatnak, sual phuannak, lungawithu simnak, midang hrang thlacamnak telh aw. Kan nunnak a simi Bawipa thawn atu rori pehzom aw dingin tikcu caan hman cu a thupizet.

Caan a dang te’n ret kan ttul,

Pathian Ttongkam siar dingin le thlacam dingin;

Thlarau Thianghlim aw ngai aw,

A lamzin ah in hruai dingin.

Pathian thawn hmanmi caan cu tthate’n hmanmi caan a si.

(Visited 34 times, 1 visits today)

Comments

comments

Comments

%d bloggers like this: