Pathian Minung

December 23

Zarhpi Ni

 

Pathian-Minung

 

Bible Siar Ding: Thuphuan 1:9-16

 

Cuih meisa vannak tung pasarih lakah milai a bangzetmi a ding

Thuphuan 1:13

 

“Milai Fapa” timi sinak le kawhnak (title) in mit-thlam ah mi piangzet, khualtlawng ih thuthangtha sim rerotu Amai’ sanlai ih biaknaklam hotu pawl in an vuakmi pa ih hmel a hung cuang. Mi tthenkhat cun Pathian a sinak in nehnak a co ih asinan milai a sinak in a sung tiah an ruat men ding.

Milai Fapa cu A Pathian sinak ih nehnak a co bangin A minung sinak sung khal ah nehtu a si thotho. Milai ih rung cang dingin A Pathian sinak kha caan malte sung a taansan. Milai sinak in sual nei lo nunnak (sinless life) thawn thinglamtah tiang thleng in thuthlun nun (obedient) a nei. Pathian a sinak in vancungmi bur hleihnih lenglo pawl in an humhim (Matt. 26:53). Minung a sinak in nasazet ih tisiatnak tiang tuarin A Pai’ thu a ngai.

Sihmansehla, Milai Fapa cu a ral pawl ih vuak le thawi theih minung a si nawn lo. Tirhthlah Johan in laarnak ih a hmuhmi thu hiti’n a sim. “A sam cu tuuhmul le vur bangin a raang. A mit cu meiling bangin a vaam. A ke cu somei sungih an thianter hnu ah an hnawt faimi daar vekin a tle. A aw cu tipilian tlasuar aw bangtuk a si. a vorhlam kut in arsi pasarih a kengih a kaa sung ihsin kaphnih hriam ralnaam pakhat a suak. A mithmai cu sun laitak ih ni bangin a tleu,” a ti (Thup. 1:14-16).

Jesuh Khrih cu Pathian Fapa (Son of God) a si vek cekci thawn bangran aw in Milai Fapa (Son of Man) a sinak khal ah nehnak a co ringring a si.

 

Milai Fapa, Pa Pathian hnenih in hruaikir saal ruangah ka lungawi.

Jesuh cu Pathian Fapa le Milai Fapa a si kop ruangah tuni ka nunnak ah ziangmi danglamnak a um?

 

@Ava Pennington

Comments

comments

Comments

%d bloggers like this: