Pathian Kan Hrang A Ruat Maw

March 31

Tlawngkai Nihnih

Pathian Kan Hrang A Ruat Maw?

 Siar: Marka 14:32-42

Thinhar le awloksong in a um ih an hnen ahcun, “Ka thinlung hi riahsiatnak in a khattuk ih a kuai ttheh ding a bang. Hinah rak um uhla it loin i rak hngak uh,” tiah a ti.    – Marka 14:33-34

Kumkhat Sung Baibal:   Thutthentu 11-12   Luka 6:1-26

Kum sia kum khat ah ka rualpi pathum a sangsang in an thi. A hmaisa pahnih teih thihnak in a pathumnak ka tonnak dingah zianghman timtuahnak i neihter cuang lo. Malte ka ti thei nain ka ttap.

   Jesuh in thinharnak a ton tikah keimah vekin a tuar ve ti theihnak in ka thin i nuamter. A rualpa Lazarus a thi tikah a ttap timi in hnemnak ka ngah (John 11:32-36). Ka rualpi pawl khal a dudawt hngai ih a tuar ve ding tiah ka ruat.

Cun thinglamtah ih an thah hlan zaan ahkhan Gethsemane hmuan duum sungah Jesuh in, “Maw ka Pa, misual ai ah tuar dingin i hril hrangah ka lung a awi,” ti’n thla a cam lo. Riahsiatnak, ttihnak, taansannak, le thinpitnak tiangin a tuar ve. Thihnak ihsin ruun suak theitu Pathian hnenah thla a cam (Heb. 5:7) nain thi lo dingin a ruun cuang lo.

Kan sut ttheumi, “Pathian in i ruat maw? ti hi Jesuh khal in a sut ve pei maw? “Ka Pathian, ka Pathian ziangah so i tlansan?” (Saam 22:1; Marka 15:34) timi ttongkam ih tican hi ziang a si pei?

  Jesuh in natnak a tuar, ziangahtile a Pa cu duhdawtnak Pathian a si ih thil ziangvek lak khal in rintlak a si ti a thei. “Pathian in i ruat maw?” timi thusuhnak hi Jesuh ih zumnak in a lehmi cu, “A si, i ruat,” ti a si.

 Mah lawng lungleen le hacang rial aw,

Hling lamzin sung ihsin;

 A duai lomi zumnak thawn na lam ka hoi,

Khawthim sungah thlacam in.

 

Ziang hmuahhmuah ah Pathian kutcak a um ti kan theih asile

Ziang hmuahhmuah a kut sungah kan ret thei.

Comments

comments

Comments

%d bloggers like this: