Pathian Ka Dil

1458492_10205721476609063_1945872747362258130_nSalai Napoleon

01. Pathian hnenah ka puarthaunak in lakhlohsak dingin ka dil. Pathian in, “Ai, himi cu kei ih lak ding a si lo, nangmai’ hlawn ding mi a si,” in ti.

02. Pathian hnenah ka fa piangsual cu damter dingin ka dil. Pathian in, “Ai, a thlarau a famkim, a taksa cu reilote hrang lawng a si,” in ti.

03. Pathian hnenah thinsaunak in pe dingin ka dil. Pathian in, “Ai, thinsaunak cu pekawk ding a si lo, zirsuah ding mi a si,” in ti.

04. Pathian hnenah lungawinak in pe dingin ka dil. Pathian in, “Ai, thlawsuah ka lo pe zo, lungawinak cu nangmai’ parah a `ṭhumaw,” in ti.

05. Pathian hnenah natnak in tuarter lo dingin ka dil. Pathian in, “Ai, tuarnak hi khawvel thil thawn lo hlatertu le Keimah thawn lo naitertu a si,” in ti.

06. Pathian hnenah ka nunnawm theinak ding thil hmuahhmuah in pe dingin ka dil. Pathian in, “Ai, ziangkim nuam zetih na hman theinak dingah nunnak ka lo pe zo,” in ti.

07. Pathian hnenah in duhdawt vekih midang ka duhdawt thei venak dingah in bawm dingin ka dil. Pathian in, “A netnakah cun na dil fuh riai,” in ti.

08. Pathian hnenah “Cahnak” ka dil ih harsat tuar ding mi in pe.

09. Pathian hnenah “Lungawinak” ka dil ih riahsiatnak tuartupawl in hmuh.

10. Pathian hnenah “Lennak” ka dil ih taimakdan (zuamdan) ding in hmuh.

11. Pathian hnenah “Duhsaknak” ka dil ih can`ṭha hman thiamdan ding in hmuh.

12. Pathian hnenah “Remdaihnak” ka dil ih midang bawmdan ding in hmuh.

13. Pathian hnenah “Thlarau Thazang Cahnak” ka dil ih Baibal siar le thlacamdan ding in zirh.

14. Pathian hnenah “Hlawhtlinnak” ka dil ih vawi tampi hlawhsam nan beidawng loih zuam `ṭen`ṭotupawl in hmuh.

Pathian na duhdawt asile midang duhdawt ve awla
duhdawtnak zemdarh aw.
Pathian in ka duhmi zate’n in pe lo nan ka `ṭulsammi cu ziangkim in pe.

Hram: God Said No & When I Asked God (Betmi hnihkhat a um).
Hsn: FCFS bulletin sungih suah zo mi a si.

(Visited 188 times, 1 visits today)

Comments

comments

Comments

%d bloggers like this: