Pathian In Cangvaih Daan Simtu A Duh

January 7

Tlawngkai Nili

Pathian In Cangvaih Daan Simtu A Duh

 

Siar:

Kolose 3:8-17

 

Ca Thianghlim in, “Bawipa ih thinlung cu zo in so a thei? Zo in so ruahnak a pe thei ding?” a ti. Sikhalsehla kannih cu Khrih thinlung neitu kan si.     -1 Korin. 2:16

 

Kumkhat Sung Baibal:

–   Seemtirnak 18-19

–   Matthai 6:1-18

Puritan pawl in fimkhurzet in nunnak zate cu a dawhhna a simi Pathian pehzom  dingin biaknak le sakhua tthen loin an kom. “Pathian in cangvaih daan simtu pawl a duh. Ziangtluk a ttha ti hnakin ziangtluk a ttha sawn timi a thupitter sawn,” an ti. Cangvaih daan simtu ttongfang pawl in cangvaihmi a sim fiang.  Pathian in sakhua thil pawl hnakin thlarau a poisatter sawn thu an langter.

Pathian lungawiter timi cu thlaraulam cangvaihnak ih hnattuan buai kha a si lo. Puritan pawl ih an sim vekin inn thianfai, thuthangttha sim, Bible ca let tivek ziangkim kan ttuanmi hi Pathian kan pekmi thawhlawm ah siar telh an si.

Hih leitlun thil ah kan tikcu caan tampi kan phum ttheu. “Kannih cu Khrih thinlung neitu kan si” (1Kor.2:16), tiah Paul in raalrinnak in pek. Cuih thudik cu kum upa nu le pa fingkhawinak ah, naute thianfai tikah, lungkim lonak ca ngan dingin kan tiar awk tikah, tuamhlawmnak hmun ih minaa pawl thuhla kan ngankhum tikah, mawttaw kan tolai ih meisa a sen tikah, tivek kan tuahmi hmuahhmuah ah lam in hmuhtu ding a si.

Hna menmen te kan ttuan tik hmanah reipi hrang man nei a si theithiam dingin zumnak le Khrih lungput neih kan ttul.

 

Hnattuan keel parih ttuanvo hrangah,

Na thinlung in Pathian thangtthat aw;

Ziangahtile Bawipa in,

Thazaang pek ding thu a lo kam.

            Leilung in hlawhtlinnak a pek, Pathian in rintlak sinak a pek.

(Visited 23 times, 1 visits today)

Comments

comments

Comments

%d bloggers like this: