Pathian in A Thei ih A Damter thei

February 13
Tlawngkai Nikhat

Pathian in A Thei ih A Damter thei

Cuticun Jesuh cu khual a tlawng ih khawpi siseh, khawte siseh, a pal phah vingvo. Sinakok ah thu a zirh, vancung uknak thuthangtha a sim ih natnak le damlonak phunphun a neitu pawl a damter vingvo.
– Matthai 9:35

Bible Siar Ding: Saam 147

Veikhat cu kum kua mi nauhak pa mi mawizet ihkhun tlunih it reromi hnenah in hruai. Hringtu a nu le pa cu an thinharzet ziangahtile hih nauhak pate cu hiti ih a umnak hi thla tampi a si zo ruangah. An thoter ih rawl an pek, amah cu zuklem vekin a mit khal tthep thei cuca loin a um. Cutawk hmun ih ka thlen le vete’n Bawipa cu ka hnenah a phuanglang aw ih ziangruangah hih harsatnak le buainak a cang timi i theihter. Curuangah a nu hnenah hiti’n ka sim: “Bawipa in a pumpi ah damlonak a um ti’n i sim.”

A nu in, “A si thei lo, siibawi thiamzet pahnih kan nei ih anmah in himi cu thluak lam damlonak a si in ti,” tiah i let.

Kei in, “Pathian in i theihtermi cu a pumpi sawn ah a si,” ka ti ve.

A si thei lo, siibawi pawl in an thei si, ziangahtile X-ray an zukmi a si, a ti thotho.

Cuih hmunah feh dingin i hruaitu pa in nauhak pa ih nu hnenah, “Amah hi ko dingin i thlah si lo maw, himipa hitawk ih rattertu hi nangmah na si, atu ah a thusimmi dokalh rero duh hlah aw. Himi pa in ziang ka tuah ding ti a thei,” a ti.

Asinan Siibawi thiambik Jesuh in a thei a si. Amah cun ziangtinkim a thei. Na tuah ding umsun cu Jesuh kawh hi a si ih cuticun Amah cu a ra ding. Vanlam thil cu leitlun thil hnak cun ziangkim ah a ttha sawn ringring. Zo so vanlam ih phuanlang awknak, nunnak ziangtinkim thei thluhtu ih thiltimi cu a el thei ding?

Pathian Thu in, Amah cun ziangkim a thei thluh a ti (1 John3:20). Amah cun kan taksa umtu daan a za te’n a thei ttheh, Amah hmaika ahcun lawngfangkheh ih um vek kan si (Hebru 4:13).

Thlarau ih thinlung neitu pawl cun Pathian ih duhmi kan thei thei. Nauhak pa hrangah thla ka cam. A pum parah ka kut suangin Pathian hnenah thla ka cam. A hung naa ciamco ih letmah 13 tluk a saumi cangcel (khukrul) a luak suak. Cuticun a hung damlan tata.

Pathian cu ziangtikah kan thei thei ding? Kanmai’ minung khuaruahnak kan cawlter ih ziangkim tithei Pathian ih thuneihnak le huham thawn in thuam dingin pum kan ap awk tikah a si ding.

@ Smith Wigglesworth

(Visited 17 times, 1 visits today)

Comments

comments

Comments

%d bloggers like this: