Pathian ih Zaangfah Lainatnak

March 11

Tlawngkai Nili

Pathian Ih Zaangfah Lainatnak

Siar:

Seemtirnak 32:3-13

Kei na salpa hnenih na thlentermi na zaangfahnak le rinsan tlak na sinak hi a cotu si dingah malte hman ka tlak lo. –Seem. 32:10

Kumkhat Sung Baibal:

–     Daanpeksaalnak 14-16

–     Marka 12: 28-44

Kumzabu 17 sanlai ih Mirang biazai ngan thiam le Pathian hnattuantu George Herbert in a zunghruk parah le ca kuatnak cahnah le a cabu pawl parah a khenmi ca cu, “Pathian ih zaangfahnak fatebik hnakih malsawn” timi a si. Jacob in sualnak le ningzahnak ihsin Pathian ih tthatnak a ruah tikah a ttong ngahmi cu, “Na zaangfahnak le rinsan tlak na sinak hi a cotu si dingah malte hman ka tlak lo,” ti a si (Seem. 32:10).

Zaangfah lainatnak timi ttongfang hi Hebru ttong in “chesed” a si ih a sullam cu Pathian ih duhdawt lainatnak tican a si. Mahte tling lo, tlak lozet ih hmuh awknak thinlung ihsin a ra suakmi ttongfang a si.

Jacob cun Pathian ih rinsan tlak le duhdawtnak parah tthum aw in a au, “I ruun aw” a ti. Ziangtluk mangbangza ruahnak le lungput so a si, “Ka tlak lo”… “in ruun aw” (cc. 10-11). Zianghman nei lo bangin Jacob cun Pathian hmai ih a kenmi hmuahhmuah khal sualnak in a siatsuah ttheh in a hmu. Pathian ih zaangfah lainatnak co tlak ah a ruat aw lo. A ruahsannak cu amah ih tlinnak parah tthum aw loin Pathian ih thukammi a zaangfahnak parih a tthum awtu pawl hnenih a pek ttheumi parah a tthum aw. Tangdornak le riahsiatnak hi Pathian lung in tongtertu an si.

A zaangfahnak a tum ruangah ziang ka tuah sak ve ding?

A zaangfahnak cu a um ringring in a fiang;

Ka neihmi ka sinak zate’n ka duhdawt ding,

A hna ka ttuan ding ka nundam sung cu.

Zaangfah lainatnak cu

Pathian in a tlingtlak lotu pawl hrangah a retmi

ttuanman si lomi thluasuah a si.

(Visited 20 times, 1 visits today)

Comments

comments

Comments

%d bloggers like this: