Pathian ih Tthatnak Ciingmang Aw

March 2
Tlawngkai Ninga

Pathian ih Tthatnak Ciingmang Aw

Na tuahmi kip ah Pathian cu thei ringring awla, Amah in lamzin dik a lo hmuh ding.
– Thufim 3:6

Bible Siar Ding: Thufim 3:1-16

Jesuh cu Farasi pawl hnen ihsin hmun dangih a feh hnu ah, a dungthluntu pawl hnenah, “Daithlang hlah uh! Farasi le Sadusi pawl ih thilnu (leaven) khi raalring uh,” tiah a ti (Matt. 16:6). Dungthluntu pawl cu anmah te’n cuih raalrin peknak cu an ruatrel khawm ih an ruah ngahmi cu sang an ken lo thu a si. Ziangso an tuah ding? Cutikah Jesuh in, “Aw, zumnak mal pawl” a ti (c. 8). An hnenah caan tawkfang a um zo ko na’n, A parah an thin a harzet lai, ziangahtile an theithiam lo ruangah le an zumnak a mal ruangah. An hnenih thlaraulam thutak maksak a simmi an theih thiam lo ih sang an ken lo thu lamlam an ruah thei ruangah Jesuh in hiti’n a sim:

Cuti ih an rel ruri cu Jesuh in a theih tikah “Sang nan neih lo thu cu ziangah so nan rel duh rero? Nan zumnak a va mal so! Nan thei thei hrih lo maw? Mi thawng nga hrangah sanghlom nga ka phel kha nan thei nawn lo maw? An hlahmi bawm ziat nan sar ti na ciing nawn lo maw? Mi thawng li hrangih sang hlom sarih kha nan ciinglai maw? An hlahmi bawm ziangzat saw nan sar kha? (Matt. 16:8-10).

Pathian cu a liamcia caan lai ah ziangtluk in zaangfahnak a nei ti na ciing lai maw? Pathian in kan zate hrangah khuaruahhar thil tamngaipi a tuah. Cumi pawl kan thinlung sungih kan ciinken ringring ahcun kan zumnak in cahnak in pe dingih Pathian kan thangthat ding a si (Rom 4:20). Satan thu cu thlun duh loin ziangkim ah el ding kan si.

Bawipa cu lamzin tluan ah in hruaitu a si. Joshua in Jordan tiva a kaanlai ah Israel hrinhnam 12 hotu pawl in lungto pakhat ciar an laak ih Gilgal ah an dawl. Cumi cu Israel mi pawl in leiro parin Jodan tiva an tan thu an theih hngil lonak dingih raalrinnak petu dingah a si (Joshua 4:20-24).

Vei ziangzat meeng so Jesuh in A dungthluntu pawl hnenah khuaruahhar thil maksak le mangbangza A huham cahnak pawl a langter? Sikhalsehla hi tawkzawn ah dungthluntu pawl cu zumnaklam ah an tha a maltuk ih an Bawipa ih thusimmi theithiam baan loin an hlawhtling lo thotho a si hi!

Thlarau Thianghlim ih lamhruaimi le Satan ih bummi ih danglamnak cu riahsiatnak, ninghannak le thinharnak si loin lungawinak, nunnomnak le daihnak sawn langternak hi a si.

@ Smith Wigglesworth

(Visited 20 times, 1 visits today)

Comments

comments

One Comment

  1. Tha lawlaw Sayapa, Ka duh tuk. Thazang ka ngah zet.

Comments

%d bloggers like this: