Pathian ih Thutiamkam Rinsannak

January 19
Tlawngkai Nili

Pathian Thutiamkam Rinsannak

Abram cu kum sawmsarih le kum nga a ti tikah, Bawipa ih a fial vekin, Haran khua cun a suak. Lot khal in a thlun ve.
– Seemtirnak 12:4

Bible Siar Ding: Seemtirnak 12:1-9

Kum kul hluannga sung rori, Abraham cun Pathian ih fapa pe dingih a tiamkammi cu a zumhnget. Kum kul hluannga sung cuih promise parah Pathian thawn hmaiton in a dingih kum tinte’n fapa nei ding a ruahsan ringring. A nupi Sarah tla a tar vingvo, ih amah khal a thazaang a ttumsuk vingvo. Lei tisa daan cun an nupa in ttawnttaihlam an pan vingvo ih fanau nei thei ding khal an si thei nawn lo ti’n an ruat aw. Asinan Abraham in an nupa nunnak cu cutivek in a zoh lo ih Pathian sawn kha a zoh. Pathian ih a ti thei lomi thil khuitawk hmanah na hmu dah lo. Pathian cun rinsannak thluasuah kan hnenah run thlenh a duh, rinnak taktak neitu si dingin kan nun thlengh danglam a duh. Kan dilngenmi hmuahhmuah cu kan ngah hrimhrim ding timi zumnak nung kan neih hlan lo le kan zumnak ruangih kan lungawinak a famkim hlan lo kan nun tuahtthat in duh. Pathian in Abraham a zumnak ruangih a humhim zia kan zoh ding.

Pathian in Abraham hnenih a simmi hi thei awla, Abraham cu ziangti’n a cangvai timi hi hmu aw. Amah cu a miphun le a sungkhat unau pawl thawn nuamzet ih khuasa mi a silai ah Pathian in, “Suak aw, Abraham suak aw” a ti. Cule Abraham cu khui hmun ah ka feh ding timi hman thei loin a suak top. Zumnak tel loin na theih dah lonak hmunah Pathian in i umpi ko ding ti’n na feh ngam zik lo. Cumi cu, “Bawipa in a ti” ti thei ringringnak a si ih na zum ngam ahcun Pathian ih khuakhan lairelnak cu atak in a cangsuak ti na hmu ding. Abraham in Pathian thu ngai in a ram le a innsang a suahsan, ih Pathian in a umpi. Ziangahtile Pathian a zum ruangah Pathian in a humhim a si.

Pathian in na parih tacik a khen tikah, Satan in a siatsuah thei nawn lo ding. “Tacik (seal)” timi ih um zia cu na thei ko si lo maw? Atu ahcun Pathian ih tacik khenmi na si zo ruangah Satan in na parah huham zianghman a nei thei nawn lo. Pathian in Amah a zumhngettu pawl cu tacik a khen thluh, curuangah Satan in a siatsuah thei nawn lo.

Minung sinak hnakih hmun saang deuh a um ih Pathian in hih a saannak hmun ih hruai thlenh in duh. Amah kan zumfek theinak hmun ih umter in duh. A hmaisabik ah Pathian in Abraham hnenah fapa pek dingin a tiamkam. Leitlun tisa daan in naute nei thei dinhmun a si maw? Abraham le Sarah nunnak ah lei tisa daan in naunei thei an sin nawn lo hnu ah Thlarau Thianghlim daan in Pathian in naute a pek hngai. Cumi cu si Pathian Thutiamkam parih rinnak neih kan timi cu!

Thildang thlengh aw dingin thlacam hlah, na nun thlengh dingin cam aw.

@ Smith Wigglesworth

(Visited 26 times, 1 visits today)

Comments

comments

Comments

%d bloggers like this: