Pathian Ih Pek Awknak

May 4

Tlawngkai Nihnih

Pathian Ih Pek Awknak

siar:

Efesa 3:14-21

Minung fimthiamnak ih a theih thluh thei lomi A duhdawtnak cu nan thei ko dingih a famkimmi Pathian a sinak thawn nan nunnak cu a khat ding.    -Efesa 3:17-19

Kumkhat Sung Baibal:

–   1 Siangpahrang 16-18

–   Luka 22:47-71

1826 kum ah Mirang pa cangan thiam Thomas Carlyle in cangan thiam a si ve mi Jane Welsh nupi ah a tthit. Anupi in a pasal Thomas ih hnattuan hlawhtlin theinak dingah thinlungtak te’n pumpe aw in a pasal cu a rian.

Pumpi lam dam lonak le thahri lam natnak ruangah Thomas cu a thinlung put a dangzet. Curuangah ca a ngan theinak dingah a nupi in rawl tthattha a pek ih an inn khal thawmvang awn au ruri zianghman um lo dingin a kilveng.

Thomas in an nu ih bomnak le tuamhlawmnak cu lawm leuhleuh in amah thawn caan a hmang lemlo na’n a nu hnenih a cakuatmi ah a nupi thu hi ti’n a ngan: “Ka phu lomi mangbangza pek awknak thawn i duhdawt cu ka thinlung in a thei. Lunghmuizet in i zoh ih kan mit a ton awk tinte’n ruahsannak thar i pek.”

Kannih khal misual kan si cing nain kan phu lomi mangbangza pek awknak thawn duhdawtu kan nei. Cumi cu, “A Fapa neihsun hman zuah loin kan zate hrangah in petu Pathian a si (Rom 8:32). A duhdawtnak cu a thuk, a saang, a sau ih a kau fawn (Efesa 3:18).

Pathian ih duhdawtnak theithiam le lawmh ding a thupituk ruangah Paul in, “Nan hram cu duhdawtnak sungah bun aw uh,” (c.17) tiah a dil. Cuih thil cu kan hmuhton vemi si hramseh.    – Anne Cetas

Vancung ih ka Pa Pathian cu a thupibik ringring,

Ziangahtile a thlengh aw dah lo ih amah ringring a si;

Mani, tuihsun, thaisun a kumkhua in rintlak a si,

I duhdawt ti ka thei, A hmin thianghlim thangtthat uh. -Felten

Pathian in i duhdawt ti theih hnakin

a tum sawnmi lungawinak dang a um lo.

(Visited 33 times, 1 visits today)

Comments

comments

Comments

%d bloggers like this: