Pathian Ih Nun Thuanthu

August 1

Zarhte Ni

 

Pathian Ih Nun Thuanthu

 

Siar:

Rom 1:16-20

 

Pathian in hih leilung a sersiam thok ihsin hmuh thei lomi a nunzia siseh, kumkhua ih a neihmi huham le Pathian sizia siseh, fiangte in hmuh theihmi an si. A thil tuahmi pawl parah hmuh theih an si. Curuangah zokhal in puhmawh ding an nei lo. –Rom 1:20

 

Kumkhat Sung Baibal:

–   Saam 57-59

–   Rom 4

 

Nangmah hi mikip ih na thu theih an duhmi, mi hminthang sibang awla, “Ka thuanthu ngan na duh maw?” ti’n i sut asile, ngan ding ka lung a kim dingih na thuhla a terek tiang thei dingin thu tampi ka lo sut hlei ah nangmah thawn a pehparmi ca pawl, zuk pawl le na ttuan ciami pawl ka lo dil ding.

 

Mi pakhat ih thuthup theih theinak thutlangpi pathum: Nangmah thu nangmah in ziangti’n na rel? Midang in na thu ziangti’n an rel? Ziang pawl na tuah zo? Pathian thei dingih kan hawl tik khal ah cuvek thotho a si. Pathian in Amah thu ziangti’n a rel aw? Minung in a thu ziangti’n an rel? Ziang a tuah?

 

Bible ah Pathian in Amah le mah ziangti’n a rel awk kan hmu (Suahlannak 34:6-7; Puithiamhnattuan 19:21; Jeremiah 32:27). Bible ngantu pawl in Pathian cu ziangvek a si ti an ngan ih an phuang (Saam 19:1-4; Rom 1:16-20; John 4:8-10). Pathian ih thil tuahmi zate’n mangbangza an si (Seemtirnak 1:1; Suahlannak 14:10-31; John 3:16).

 

Pathian thei aw. A thuanthu ngantu si aw. Cumi in ahlan hnak ih thuk le tamsin Pathian thei dingin a lo zirh ding.

 

Kumkhua nung, hmuh thei lo Pathian lawng a fim,

Tleunak in mit ih hmih thei lo dingin a pheen;

Mi thluasuak le sunglawibik kumkhua nung,

A cakmi nehtu, Na Hmin maksak kan thangtthat.

 

Tlolak sersiamtu Pathian cu na theih theimi Pathian a si.

(Visited 30 times, 1 visits today)

Comments

comments

Comments

%d bloggers like this: