Pathian Ih Kutsuak Tthabik

 

 

July 10

Tlawngkai Ninga

 

 

 

Siar:

Efesa 2:1-10

 

Pathian in kan ttuan ding hrangih a rak timtuah ciami hnattuan ttha ttuantu dingah Khrih Jesuh sungin kannih cu siam tharmi kan si.   – Efesa 2:10

 

Kumkhat Sung Baibal:

–   Job 41-42

–   Tirhthlah 16:22-40

 

Grand Rapids ih khuahlan kut thilthiam pawl hmuhnak innpi ah thil phun 5,000 lenglo a um. Siihnih zuksuai, thlazuk (photo) 3,500; pungsan suaimi 1,000, zuksuaimi le kut ih salhmi mizuk 700 pawl an um. Cuih innpi ka ruah tikah Pathian ih kut thilthiam retnak innpi thu ka ruat.

 

Pathian cu zuksuai thiamzet mi a si ih a sersiammi pawl hi mangbangza an si. Asinan cumi cu a hnattuan tumbik a si lo. Pathian ih hnattuanmi lakah a tumbikmi cu in rundamnak hi a si. Sualnak ruangih mithi kan silai ah A Fapa neihsun Jesuh Khrih thawngin in nungter (Efesa 2:1,5).

 

Paul in, “Kannih cu Pathian ih sersiam mi kan si,” (c. 10) a ti. Greek ttong a simi cuih ttongfang ih a sawhmi cu ‘biazai’ ‘kut thilthiamnak ih tuahmi’ ti a si. Pathian ih kut thilthiam retnak innpi cu kawhhran a si ih mangbangza a kutsuak minung tampi kan um.

 

Paul in Pathian ih kutsuak kan si vekin thil ttha tuah in Pathian ih duhdawtnak langter dingin in forh. Jesuh in, “Hih thil ttha nan tuahmi ruangah mi in van ih nan Pa an thangtthat ding,” (Matt. 5:16) a ti.

 

Pathian ih rundamnak le zaangfahnak cu thil ttha kan tuahmi in langter in khawthim sungih um pawl a duhdawtnak khawtleu ah hruaiter in duh.

 

I ruuntu cu hla in ka thangtthat,

A thiisen in i lei;

Cross parah i ngaithiamnak a khen,

Ka leiba a kuan ih luatnak i pek.

 

Nunnak ih tettikhan theitu cu tettikhan tthabik a si.

(Visited 26 times, 1 visits today)

Comments

comments

Comments

%d bloggers like this: