Pathian Ih Kut Hmuh

September 6

Tlawngkai Nikhat 

Pathian Ih Kut Hmuh 

Siar:

Ezra 7:1-10, 27-28 

Pathian bomnak thawngin Jerusalem cu thla-nga thla nikhat ni ah an thleng.     – Ezra 7:9 

Kumkhat Sung Baibal:

–   Saam 148-150

–   1 Korin. 15:29-58 

Jack Borden cu a kum 101 kim suah ni ah zinglam nazi 5:00 ah a tthang. Thawhlam tampi a ei, zing nazi 6:30 ahcun hnattuan thok dingin a sihni ttuannak zung sungah a to. A nunkhua saunak thuthup an sut tikah, “Thih hrih lo,” tiah hnisuahsai phah in a sawn hngai.        

A nunkhua saunak thuthup tampi a um. Broden hi a kum 11 ah Clear Fork ih Trinity tiva ah ti a hnim. Fork Worth (Texas) Star Telegram thuthangca ngantu David Casstevens hnenih a simmi cu, “Thil cangmi tinkim ah Pathian ih kut a um tiah hngetkhohzet ih zumtu ka si. Amah ih tumtahnak ruangah i nungter. Ttuanter i duh tiah ka zummi pawl ka ttuan,” a ti.        

Puithiam Ezra khal in Jerusalem phardawl le Biakinn sak saaltu sal ih taang dah mi pawl thlaraulam ah kaihruai hngai dingin Babylon ihsin palai pawl hruai in a ra tlun tikah Pathian ih a tthami kutcak a hmu ngah (Ezra 7:9-10). An lamzin tluan ah Pathian in a umpi hngainak a theih tikah Ezra cu a tha a tlung ih a raal a ttha. “Bawipa ka Pathian in raaltthatnak i pekih Israel hrin sungih sungkhat lubik ciar tampi cu keimah thawn kir dingah ka leem thei a si, tiah a ti (c.28)”.           

Kan nunnak ah Pathian ih kut kan hmuhmi in a parah lungawinak thuk le tuahter in duhmi tuah duhnak kan thinlung ah a tthanglianter.   – David McCasland     

Zumnak mit in kan cuan le,

Nitinte ih thil cangmi ah;

Pathian ih zaangfahnak kut kan hmu lohli ding,

Kan lamzin ih a ra thlengmi thil zate ah.   – D. De Haan 

Ziang tinkim ah Pathian ih kut a um ti na theih asile,

Pathian kut sungah ziangtinkim na hlan thei ding.

 

(Visited 34 times, 1 visits today)

Comments

comments

Comments

%d bloggers like this: