Pathian ih Hrinmi

January 20
Tlawngkai Ninga

Pathian ih Hrinmi

Mi tthenkhat cun an cosaang ih an zum; curuangah Pathian ih faate si theinak thu a pek. Pathian ih faate an cannak cu leilung daan, minung thiilesa in hrinmi a si lo; Pathian amah rori kha an Pa a si.
– John 1:12-23

Bible Siar Ding: Rom 4:8-5:2

Ka hmai ih um pawl mit-hmai ka hmuh tikah Pathian ihsin suak mi an si timi ka sim thei (John 1:13). A caancaan ah Pathian ih huham kan sungah a um ti ka thei. Cumi cu kan thazaang cah laitak hnakin kan derdai caan ah a si sawn ttheu, Abraham sungih huham cahnak cu a taksa thazaang a ttumsuk tikah a cak deuhdeuh vekin.

Sarah cun an lei tisa thinlung le khuaruahnak in an sinak a zoh awk tikah fanau pom thei ding an si nawn lo zia lawng a thei. Asinan Abraham cun amah le Sarah ih taksa ruangpum zoh loin Pathian ih thutiamkam cu a cang tengteng ding ti a zum.

Abraham in fapa pakhat a nei. A cithlah cu zumtu kawhhran zate ih ci a si ih tifinriat kap ih vutneel zat in siar cawk lo an si. Pathian sungah zianghman rikhiah a um lo timi theihter in duh, ih kan nunnak sung khalah leitlun daan ih rikhiah um lonak ah hruai thlenh in duh. Hih dinhmun le sinak cu Ziangkimtithei (Omnipotent) Pathian a sinak huham in minung nunnak sungah a tlaitluan in a hnattuannak a si. Pathian le minung theihthiam awknak dinhmun ah in hruai ding.

Mi hrekkhat in taksa tonghtham an duh; mitthen cun thlarau nun tonghtham an duh; mitthen cun Thlarau Thianghlim thawn baptisma co ding an duh; ih mihrek cu Pathian ih huham thiltitheinak thawn khat dingah an duh ve. Na hrangah khal a si thei ve.

Atu ahcun zumtu na si zo. Pathian Ttongkam na theih tikah tidam in na um ding timi lo theihter ka duh. Mihrek in tidamnak an duh; mihrek cu rundamnak tla si thei men; mitthen cun nun thianghlimnak tla si thei ih Thlarau Thianghlim baptisma tla si thei.

Paul in, “Zumnak ruangih kan comi Pathian zaangfahnak sungah atu hi kan um. Curuangah Pathian sunlawinak kan ttawm ding tiah ruahsannak kan nei ih kan thin a nuam,” a ti (Rom 5:2). Zumnak in na nunnak sangka ong awla cule Pathian a rung lut dingih na ttulmi hmuahhmuah cu pek le tuahsak na si ding. Thukamnak cu zumnak parih a dingmi a si. Abraham bangin Pathian a zumtu hmuahhmuah hrangah a si. Zaingahtile Abraham cu thlaraulam in kan zate ih pa (father of faith) a si (Rom 4:16).

Thil pathum hna an ttuan tlang: Zumnak (Faith) in Atak (Facts) a hringih cumi cun Lungawinak (Joy) a suahpi.

@ Smith Wigglesworth

(Visited 28 times, 1 visits today)

Comments

comments

Comments

%d bloggers like this: