Pathian ih Hrilmi

April 2
Tlawngkai Nikhat

Pathian ih Hrilmi

Nannih cu Pathian ih minung nan si; a lo duhdawt hngai ih Amah ih hrangah a lo hrilmi nan si. Curuangah zawnruahnak, zaangfah thinpemnak, tangdornak, thinlung neemnak le thinsaunak pawl cu hnipuan bangin hruk uh.
Pakhat le pakhat karah thinlung hmuh awk lonak le phunzainak a um ahcun pakhat le pakhat zawi awk theinak le ngaidamnak nei uh. Bawipa in a lo ngaidam vekin nannih tla pakhat le pakhat ngaidam aw ve uh.
– Colose 3:12-13

Bible Siar Ding: Colosa 3:1-17

Himi hi hminsin aw: Pathian ih hrilmi a um. Pathian in hrilmi a nei ti ka thei. Zumtu unau, nangmah le nangmah na cek (examine) awfel asile nangmah tla Pathian ih mi hril tampi pawl lakah a tel vemi na si zia mangbangza in na hmu aw ding. Minung pawl in hih dinhmun le sinak hi nasazet in an ttih ttheu, ziangahtile “Aw, nang hi Pathian ih hrilmi na si ti na thei aw zo. Curuangah ziangtinkim ah dingfelzet ih na um ringring a ttul, na tuahmi kip hi a palh thei lo” tiih an sim ttheumi an theih ruangah a si.

England ram ih kawhhran tumpipi pawl ah himi vek ruahnak neitu hi kan hmu thei. Asinan cuvek ih ruanak neitu pawl cu an rocaar vingvo zo ti kan hmu thei. England ram na thleng asile na hmuh thei dingmi cu cuih micakzet pawl, hih thupom a kaihngettu pawl cu an zate zikzik in an rocaar vingvo zo, an hmun nawn lo timi hi a si ding. Ziangruangah si pei? Ziangahtile annih pawl cun hiti’n an sim, “Pathian ih hrilmi na si ahcun ziangtinkim na tuahmi kip cu a dik thluh” an ti. Cumi ruahnak cu a palh a si.

Pathian hrilmi pawl cu mi famkim an si zo tinak si sawn loin famkimnaklam pan in an feh vingvo tinak sawn a si. Pathian ih hrilmi pawl in an kaihhnget thei ringring lomi cu: ziangtiklai caan khal ih a tlaitluan ih cak ringring theinak hi a si. Pathian ih hril mi zokhal in an theih fiang ttulmi cu hmailam nor in famkimnaklam pan vingvo ding hi a si. Annih pawl sualnak le hlolaknak sungah an nuam aw ringring thei nawn lo. Pathian ih mihril an sinak thei aw in, Pathian ih hrilmi si ringring dingah duhnak le zuamnak an nei. An nun hnaihnoktu le dawnkhamtu dunglam ih lilawn cu an siatbal ttheh.

A pakhatnak ah theih ttulmi cu dungtolhnak lamzin a um timi hi a si (1 Thess. 2:3). Pathian in na nunnak cu Hlawnthil mankhung dinhmun ah a lo hruailut zo ih adikmi thutak cu na sir le sir ah a ret: a palhmi, a dikmi; hnin theimi le, hnin theih lomi.

Pathian in kan nunnak cu thutak parah hrambun ding in duhsak, curuangah kan hnenah ziangvek thil a ra thlen khalle kan ruahnak hi hnin theih le tthawn theimi si hlah seh!

@ Smith Wigglesworth

(Visited 24 times, 1 visits today)

Comments

comments

Comments

%d bloggers like this: