Pathian ih Hminthannak

December 9

Zarhpi Ni

 

Pathian ih Hminthannak

                                                           

Bible Siar Ding: John 2:13-22

 

Cutikah a dungthluntu pawl in, “Maw Pathian, Na inn ka tlaihsannak cu ka lung sungah meisa bangin a alh” tiah Ca Thianghlim ih a rak timi kha an vun mang saal.

–  Johan 2:17

 

Ka rualpi pakhat cu kan community sungih umnak inn nei lo pawl bawm dingah thinlung takin duhnak a nei. Amah cu organization pakhat thawn kom aw in inn nei lo pawl bom thei daan ding program a tuah. Ka rualpi dang pakhat cun khuahlan mawttaw pawl khawl duhnak thinlung a nei. Raalringzet in a rem ttha ih khuahlan hlawnthil kilkhawitu ah a hung cang.

Thil pakhat asilole minung pakhat parih thahiarnak thinlung kan neih tikah cuih thahiarnak (passion) cu kan nunnak cangvaitertu le mawngtu tha pakhat ah a cang. Minung cu thil pakhatkhat – mawttawka, innsungsang, hnattuan, ei le in, tivek ah duhhiarnak nei thei hlir kan si. Sihmansehla mi paziat in so Pathian hrangah nung dingin duhhiarnak kan neih?

Jesuh cu Biakinn (Temple) sungih a luh tikah, A Pa ih inn sungih thil umtu daan pawl in a thin a natter. Hmun thianghlim ih a leenglam khaan, Gentile mi pawl le nunau pawl ih Yahweh an biaknak hmun cu paisa thlenghtu pawl ih amiat hawlnak hmun ah a cang. Pathian hrangah duhhiarnak nasatak neitu Jesuh cu um men thei loin cangvai ko cumi cun a tuah. Amai’ hrangah a si lo, A Pa, thianghlim le upat sunloih tlak hrang sawn ah a si.

Pathian in Biakinn thianhlimter ding cu in fial ngelkher lo men thei, asinan A hrangah nung dingin duhhiarnak neitu si dingin in duhsak thluh a si.

 Thianghlim Bawipa, Na hrangah le Na hminthannak dingah hiarhalzet ih nun duhnak thinlung i neihter hram aw.

Pathian hminthannak dingah tuni ah duhhiarnak ka nei maw?

 

@Ava Pennington

Comments

comments

Comments

%d bloggers like this: