Pathian ih Hmanmi

April 23
Tlawngkai Nikhat

Pathian ih Hmanmi

Hih ca a ngantu cu Khrih Amah a si ih kannih hi a phurtu kan si. Cuih ca cu cati in nganmi a si lo, a nungmi Pathian ih Thlarau in nganmi a si: lungpheng parih nganmi a si lo, milai thinlung sungih nganmi a si.
– 2 Korin. 3:3

Bible Siar Ding: Kolose 3:16-4:6

Daan cu leilung ih dinsuah a si tikah a mawi. Ramtin le khuatin ah Daan cun thil pakhatkhat dingte te remte ih um thei dingin a tuah ti na hmu ding. Khua tumpi pawl in fimkhurzet le picangzet ih an uk awk le an kaihhruai awk theinak cu Daan ruangah a si. Sikhalsehla duhdawtmi zumtu unau, nang le kei cu hih leilung tlun ram mi sinak lawng kengtu kan si lo, cumi hnakih a saang sawnmi vancungram mi sinak kengtu khal kan si. Paul in, “Sikhalsehla, kannih cu vancungram minung kan si ih kanmah runtu Bawipa Jesuh Khrih vancung ihsin a rat ding kha kan hngak,” a ti (Filip. 3:20).

Hih leitlun ih thlun dingmi Daan in leiram ih khua le ram pawl hi tlukin a tthatter thei asile kan comi vancungram mi sinak ih Daan cun ziangtluk ih a mawimi vanlam pehzom awknak so in neihter thei ding? A nasazetmi sunlawinak a tleusuak ding timi cu ziangso a si? Hih leitlun cu thinlung kekkuaimi pawl hlirin a khat, asinan a nasazetmi sunlawinak in mi hmuahhmuah ih thinlung a damter dingih cumi pawl in Pathian sunlawinak le zaangfahnak cu nasatak in an langter ding a si.

Pathian thawn a tong awlai dingtu cun a ttong tikah cokpolh vaivuan ding a si lo. Anih cu thu a sim tikah fiangfaizet in, tawi famkim in, le vanlam nun langtertu pehtlaih awknak hlirin khat ding a si sawn ih ziangtinkim ah sunlawinak ih mi hlirsotu ding a si. Anih cu a felfaizetmi ttongfang pawl lawng a hmang dingih a ttongmi sullam a theifeltu khal a si ding. Cafang parah si loin a thinlung sung le a thlarau ah Pathian Thu ih phuanlangnak a nei ding. Amah cu ni sunglawi ih hmanmi bungbel thianghlim vek a si ding. Hmurka thianghlim a nei ding. Pathian in a umpi dingih amah hmangin Pathian in thu a sim ding, a hmin sunlawinak ah a hmang vingvo ding.

Pathian thawn nan pehzom awk ringring lo ahcun vancungram darkhing awn ko in na hnin thei lo ding. Kannih cu Pathian ai-awh ih thusimtu ding kan si. Ca thawn si loin Thlarau in a si dingih Pathian duhnak sungah um ding le a lungawitertu ding kan si (Zeph. 3:7). Bawipa cu Thlarau a si ih Bawipa ih Thlarau umnak kip ahcun zalennak a um (2 Korin 3:17).

Tisa duhnak ih neh theimi nunnak sungih na nun sung ahcun nehnak hla cu na sak thei lo ding.

@ Smith Wigglesworth

(Visited 18 times, 1 visits today)

Comments

comments

Comments

%d bloggers like this: