Pathian ih Duhdawtnak

Pathian ih Duhdawtnak

Siar:

Hosea 11

Maw Efraim, ziangtinso ka lo thlah thei ding?
Maw Israel, ziangtinso ka lo dungtun thei ding?
A lo duhtu ka thinlung hi a hlum ih a neem a si. – Hosea 11:8

Kumkhat Sung Baibal:

Jeremiah 49-5
Thufim 8:12-31

Hnon tuarnak hnak ih a naa sawnmi thinnatnak a um pei maw?  Nitin thuthangca sungih thah awknak tampi sung ihsin nu-pa tawh awknak le tthen awknak ruangih a cangmi a tamzet.
Thukam Hlun sungih Hosea tei’ innsang thu ihsin mi pakhat in a duhtukmi hnen ihsin duhdawtnak a ngah lo tikah ziangti’n a tuar ti fiangzet in Pathian in a hmuh.  Huham thawn a khat mi Pathian hman in zozo khal hramhram in Amah duh dingah a fial lo.
Mi tampi in Pathian cu milai a si lo mi huham ah an ruat. Midir theitu cahnak ah an ruat. Hosea cabu in cumi thawn kalh aw in a sim. Pathian cu duhdawtnak a nei, thinhen tla a nei, mit-thli tla thei in a cuanter. Israel mi pawl in, an hnon ruangih thinhar rerotu Pathian a si (Hosae 11:8). Mopa a simi Pathian in a nupi ding Israel cu midang zo thawn hman hlawm awk a siang lo. Israel pawl in dung an tun hmanah a duh hngai thotho. Nikhat ni ah an ra kir saal ding ti ruahsannak thawn a hngak hngai ringring
Hosea thu le Jesuh Khrih thu ihsin Pathian cu cawhkuan pek duhtu si loin, duhdawttu a si ti a lang. In duhdawttuk ruangah kan hrangih thi dingah a Fapa a thlah.

Duhdawtnak in ka ai thi ding, Ruuntu a thlah,

Ziangruangah cu tlukin in duh?

Tangdor te’n Kalvary Thinglamtah ah an hruai,

Ziangruangah cu tlukin in duh.

Pathian in in duhtuk ruangah, a Fapa neihsun in peek.

Comments

comments

Comments

%d bloggers like this: