Pathian Ih Bomnak In

September 19

Nipi Ni 

Pathian Ih Bomnak In 

Siar:

1 Samuel 7:2-12 

Bawipa in lamzin tluan in bawm a si.      – 1 Samuel 7:12 

Kumkhat Sung Baibal:

–   Thusimtu 1-3

–   2 Korin. 11: 16-33

 “Pathian thluasuah cirhti bang luang” timi hla sungih Ebenezer timi ttongfang hin Israel pawl in veikhat lai ih an rak neih dahmi Pathian thawn naih awzet ih pehtlaih awknak ngah saal dingin an zuam caan a langter. Thlaraulam ih an hruaitu Samuel in an ramdang pathian pawl hlon taa in thinlung tak te’n Bawipa hnenih an rak kir saal ahcun Bawipa in an raal Filistin pawl ih hremnak ihsin a luatter ding thu a sim hngai (1 Samuel 7: 2-3).   

Israel mi pawl an sual an sir awk tikah Pathian in nehnak a pek hngai. Cule Samuel in lungto a laak ih Mizpah le Shen khua karlak ah a phun ih, “Bawipa in lamzin tluan in bawm a si,” a ti ih Ebenezer tiah hmin a sak (c.12).   

Ebebnezer tlang saang parah Nangmai’ bomnak in ka ra; Khih inn ah him te’n thleng dingah Nangmai’ tthatnak ka ring zo,” timi hla kan sak tikah ngaidamnak le bomnak kan ttul caan ah Pathian hnenah kan pan thei, ti in mangter saal. Ziang kan rak tuah ih khui hmun ih kan hloh khal ah A zaangfahnak thawn in cohlang dingih in rem ttha saal ding.   

Cabuai asilole thilretnak parih lungto fate cu Pathian ih bomnak in mangtertu huham a neizetmi mit hmuh thei thil Ebenezer a si thei men. Kan nunnak a cemnet tiang Pathian in in bawm ding.    – David McCasland  

Ra aw, thluasuah tinkim ih Cirhti,

Ka thinlung kha Na zaangfahnak hla sakter aw;

Zaangfahnak Cirhti, a kaang dah lomi,

A ringbikmi thangtthatnak hla in lawm uh.   – Robinson 

Pathian kan hnenih a um ruangah,

kan hmai ih a ummi ziang khal ttih a ttul lo.

 

(Visited 26 times, 1 visits today)

Comments

comments

Comments

%d bloggers like this: