Pathian Hnenah, Pathian Ihsin

January 10

Tlawngkai Nili

 

Pathian Hnenah, Pathian Ihsin

 

Bible Siar Ding: Johan 10:1-10

 

Kei cu sangka ka si. Keimah ih sungin a luttu cu

rundam mi an si ding.

–         Johan 10:9

 

Bible sanlai ah, tuukhal pawl in rannung khalhnak hmun ah sahrang pawl ih an tuu an deh lo dingin le rukru pawl ih an fir sak lonak dingah zaan ah an kilkhawi. An khalhnak hmun cu tuukhaltu ih duhnak parah a tthum aw. Cuvek hmun ah beunak ding lungpuk pawl a um ttheu. Tuukhal pawl in lungpuk pakhat kha phar ah an hmang ih a dang phar pathum cu lungto, thingtluan le hlingbur tivek pawl hmang in an kulh. Ziangvek ih an sak a si khal le tuukhal zate in bangrep ih an hmanmi pakhat cu tuu pawl luhnak ding le suahnak ding sangka pakhat lawng an tuahmi hi a si.

Tuukhal pa cu tuu pawl an luh-suahnak ding sangka ah a phei zawngin a it. Amah le amah kha tuu riahnak saangka ah a tuah aw. Nitinte a tuu pawl hrangah a nunnak a pek. Sahrang le mifir pawl cu tuukhaltu pa pahtlang taa loin ziangtite khal in tuu pawl hnenah an thleng thei hrimhrim lo.

Jesuh Khrih in tuu sangka ka si a ti aw. Pathian hmai ih thleng dingah Jesuh ihsin siar lo sangka dang a um lo. Pathian famkim le milai famkim a sinak in kanmahte kan tuah thei lomi in tuahsak thluh thei. Sual ruangah khar ih a um zomi vancungram luhnak sangka cu Amah in in onsak zo a si.

Jesuh in Pathian hnenih thlen theinak lamzin umsun cu Pathian hnen ihsin lawng (to God, through God) a si timi thutak in hmuhter.

 

Thianghlim ka Pa, Jesuh Khrih ihsin vancung sangka in on sakmi ka lungawi. Amah ruangah sangka khar a um dah lo ih ka lungawi.

Jesuh cu vanram thlen theinak sangka a si timi ka theihnak in Pathian hnenih ka pan daan ziangti’n a thlengh?

 

@Ava Pennington

Comments

comments

Comments

%d bloggers like this: