Larboih le CT

CT: A hmaisabik ah Speaker in leh Singer in Pathian ih kawh mi le Talent tha pek mi na si ti kan thei ih rawng bawl nak lam thu tam pi kan lo sut ding?

LB: Aw le, Ngah tuk.

CT: Hlasak (singer)in maw Speaker (zirhtu)in rawng na bawl tam sawn?

LB: Tutiang ah cun a hleice in Mino Speaker ah in sawm tam sawn. Hla request nak cu a um ringring.

CT: Tu thu dang ah kat sehla, ‘A Ram le A Felnak Hawl Hmaisa in’ ti mi na VCD a hung keuhsuak dan in ruah thei pei maw?
LB: Aw si

(a). Suah keh aw tha tak Bawipai i pek zarah.

(b). Rawlulh thlacamnak le Tumtahnak nei ih Bawipa hnenih ka aw ka ap le ka hlan mi i co hlan sak zarah keuh suak thei a si.
CT: Cumi VCD kha a zoh tupawl ih fak le uar a hlawh zet tiin kan rak thei. VCD dang pawl thawn a bang awk lo nak in sim thei pei maw?
LB:

(a). Hi VCD fak le uar mi a rak si cu lungawi um tuk.

(b). Music ah tulai mino duh zawng a tam
(c). Cangvaih dan le lem can dan a Hla thawn Kaih aw in cangvaih a si. Hi pawl hi a dang lam nak si ka zum.

CT: Hi VCD na tuah laiih na rak pahtlang mi harsatnak pawl tla theih kan duh hrih.
LB: Hi VCD tuah lai ih ka pah tlang mi a tam tuk. Cu I lakah malten,

(a). Iksik nak

(b).Tha nau nak tongkam tam pi

(c).VCD tuah tiang mah te buai (Nu le pa, unau le rualpi pakhat hman buai pi tu le tha petu um lo.

(d) Sumpai um cia lo. Hi pawl hi a har deuh ih ka theih mi an si.

CT: Pathian hla ah a nung le nung lo a um ih cu mi hi ziang ruang ah a si? Hla a nun theinak dingah a phuahtu maw a thupi a saktu?
LB: Kei cun Pathian hla cu a nung theh ti ka zum. A saktu le phuahtu par khalah Hla nung le nung lo a thum aw lo tin ka hmu. Asancu Pathian thu cu a nung ringring mi a si. A saktu le a phuahtu ih nungter theih a si lo. A ngaitu kan thupi. Nung kan ti mi, midang in Nung lo  an ti thotho. Zo  ih hlasak khalah Pathian hla a si cun kan nun ah la seh la  a nung si mei.

CT: Na VCD zohtu pawl in Saya Larboih ih style cu a danglam tuk an ti mi ah ziang na sim duh?
LB: VCD zoh tin ten Lainu, Laipa ti theih emem le mi dang style a la tuk ti theih emem a tam tuk. Kei cun –Kan Bible le Pathian thu hi san man bik a si ruangah cawiawk dan le hlasak dan, cangvaih dan khalah sanman takih um ka duh.

CT: Na music uar zawng tla theih kan duh?
LB: Rock music ka uar bik. Rock hla sang takih sak vutvo hi ka diriam bik.

CT: Tulai kan music dinhmun na thlirdan le na duhsaknak tongkam tla theih kan duh zet.
LB: Tulai kan music dinhmun cu tha ka ti zet. Music tumtu khalin tulai sanman taktak tum hi nuam an ti ih an duh zawng  khal  a si. Hla saktu le Hla phuahtu khalin danglam tak tak le san man takih tuah sinsin thei zuam uh si.

CT: Pathian rian dingah kawhnak na dondan in ruah thei pei maw?
LB: Ziangka tuah ka ruah khalah rawngbawl in ka feh suak ding tita rori ka nunah a um. Ziangvek hlawknak dang hnatuan ding le tuah ding Rualpi pawlih an rel can le tuah sehla in ti khalah, ka thin lungah hmun ram a la thei lo, curuangah ziangvekih a har khal le rawngbawl ding tin ka nunah el theih lo in  a um. Rawlulh, thlacam nakin can sau pi can ka la bet.

CT: Bible tlawng na rak kainak pawl le na kai laiih na hngilh thei lo mi hmuhtonnak pawl tla in hlawm aw.
LB: Bible School of Theology, Yangon  ah B.Th ka theh. South India Baptist Bible Collage ah B.D ka kai. Blessing Bible Institute, India ah M.Div ka theh. S.I.B.B.C  India, B.D ka kai kum ah, Ram dangdang,Tong dangdang, Hnam dangdang um khawm kan si ih  India Independent Day hman canah kawlram aiawh in hlasaktu dingah  in duhsak ih, Cui ni Hlasaktu  lakah danglam tha hleice an ti in an phone ah an rak khum theh ih ringtone tiang ah an hmang –neh hnu Hlasak nak can tha tiang ka co theu. Ka lungawi in ka diriam zet. Bawipai remruat a si tin ka HNGILH THEI LO.

CT: Ziangtik ihsin Thuthangtha na rak sim thok? Na rongbawlnak sung ihsin na hmuhsuahmi kan Chin Khristian nun fehdan remthat na duh mi the a um maw?
LB: Kum 18 ka siin Thuthangtha ka sim thok. Minung hmai ih fel tak tha tak si, mah le Pathian lak ih dik lo nak kan neih hi zum tu nun ah cun tih nungbik mi hrampi a si tin ka hmu ih…Bawipai duhdan zel in zuam uh si ti hi a si.

CT: Pastor le Evangelist dinhmun /tuanvo a bangawk lonak tla theih kan duh.
LB: Evangelist cu Ram thar nortu a si, Cui hleiah mi kohhran khuaitu le thehdarh ih Ram latu siloin nun nak hlo (Thlarau hlo ) nun thar nei ding ih ram latu kan si tin ka hmu. Pastor cu Tuu cawm tu .Kawhhran le mipi buai ter tu le Tisa ter tu si lo in Tuu pawl Rawl thaw pe in an than vivo thei nak dingih khal tu an si tin ka hmu.

14.Evanglist pawl an puarthau thei tuk timi tongkam hi mipi hnen ihsin kan rak thei theu, cu mi parah ziangtin na let duh?
LB: An puarthau ngaingai a si ahcun Thlarau thianghlim ih zirh hrihlo le cencilh lo mi an si tin ka hmu. Bawipai kawh mi si lo in mah te pe aw mi an si ka zum. Puar thau le hngal si lo in mah mi zia hrimhrim tla a um thei.

CT: Pastor tampi in, “Evangelist pawl kan kawhhran ah crusade an ra tuah le an tlun hnuah kawhhran a buai thluh theu,” an ti theu. Hi hi ziang ruangah a si tin na ruat?
LB: An mah tlawngtu Evangelist le inn tek Pastor in tlinlonak an nei veve tin ka hmu. Thlarau thianghlim hruaimi  rawng bawltu cun Pastor le kawhhran a tibuai dah lo tin ka hmu.

CT: Crusade pakhat ah piangthar, Evan dungah vei 2-3 hrawng thlun, cuihnuih Evan tuan cih mai pawl hi ziang tin na ruat?
LB: A tamsawn cu Thlarau thiang hlim ih Operation hrih lo, mai pumpekawknak le rawngbawl a tha ti in ngam nak ih feh an tam tin ka ruat.

CT: Evangelist pakhat in a theih tul mi ralrin ding hi ziang pawl a si?
LB: Ral ringtul ih ka theih mi cu…(Kan Lei le kan tong kam ) Theih tulmi cu mipi thlalang kan si ti theih.

CT: Laksawng pek mi a mal tuk ruangah le ei-in a hnianghniar tawk lo ruangih thinheng mai le ngol hmang evangelist –pawl  khi  ziang tin na ruat?
LB: That ruang le tlin ruang ih Rawngbawl kan si lo, zangfahnak zar ih rawngbawltu kan si ti hi an nun in a fiang lo tin ka hmu. Van ih an laksawng ngah ding mi khal an ngah lo phah ka zum.

CT: Kan ram in a tul mi ministry le minister hi ziang vek a si tin na ruat?
LB: Mi tampi hrang thatnak rah suaktu si le hman tlak mi si. A tha zawng ih thu lak thiam ih nun beidong lo mi. Bawipa lawng rian taktak ih pum hlum hlan aw tu, hi pawl hi kan tul.

CT: Evangelist pakhat sinak ih a harsatnak le nomnak pawl tla in hlawm aw.
LB: Evangelist pakhat sinakih har ka ti theu mi cu…Ruah nak sual le tuah ngah pang sual khal ah Bawipa’n in Nun in sim le in Zirh cih theu mi hi ka hua le ka tuar thei lo si lo in a har ka ti theu. A nomnak ka ti mi cu kan mah vek men hmang in a phuang awk hi a si.

CT: Pathian hnatuan tu poh hi Pathian ih kawh mi an si thluh cuang lo, ti a si ih, Pathian ih kawh mi rawngbawltu a si le si lo ziangtin kan thlei dang thei ding?
LB: Harnak, donak le tlaksiatnak a phunphun kan tong can khalah zo hman puh mawh lo in loh theih lo ih  a rawngbawl thei  tho tho tu hi a kawh mi pawl nun dan tin ka hmu.

CT: Chin mino pawl degree  an ngah theh tikah ziang tuah ding thei lo in mi tampi an vakvai .Cu pawl hnen ah ziang vekin lam zin na khihhmuh thei ding?
LB: Aw si, tumtahnak nei ngaingai sehla cui tumtahnak cang suak dingin a te bik le a niam bik mi hna in kan thok ngam lawngah Degree ngah tu kan si nak kan hmang tang kai ding .Cu ti’n tuan thawk seh la vak vai men kan um lo ding .

CT: Khristian tamsawn in hlawhtlingnak (victory)kan co ngaingai thei lo hi ziang ruang ah a si ding na zum?
LB: Pathian hmaiah kan rinum lo theu nak hi hlawhtlinnak  dawn kham tu a si.(Pathain lungawi phawt sehla mah thawng in  ziangkim ka ti thei.)

CT: Evan hrekkhat in leitlun lennak beisei ding ,hrekkhat in beisei ding kan si lo an ti .Nang teh  ziang tin na  feh pi?
LB: A pahnih in ka feh pi.Farah ah le Len khalah Pathian hmaiah lungawi thei ringring in tangdor ten a hnatuan  a tha.

CT: Ka piangthar hnu hnakin,  ka piangthar hlan ah ka hlawhtling sawn titu zum tu pawl ih tongkam hi ziang tin na let duh?
LB: Van lam hnakin lei lam zoh tam sawn tu a si ka zum. Cuihlei ah Pathian thlawsuah siar thiam lo tu a si khla ka zum.

CT: Pathian in a fa le kan sual tin ten  in hrem maw?
LB: A duh lo zawng tuah tu parah cun nun in sim ringring .Asinan kan tuar thei ding can le amah kan neih sin sin thei  ding ih kan nun a cak can ah kan sual vek si lo in phuba cu in la theu  tiin ka nun in a tep.

CT: Zumnak thlaici tuh thu  ah, Evan zirnak thlun in neih hmuahhmuah zumnak thlaici tuh si, thlasia vivo an um hnuai hni.Hi thu hi na hmuh dan in sim ve aw?
LB: Midang hnakin Thlaici ka tuh tam, ka tuh thei sawn ti mi thinlung put a nei tu cun mi porh leh mi fak kha a laksawng thluh a si. Asinan thinlung put dik zetih Bawipa hnen ih thlaici a tuh tu cun a fa te lo le a tu san ah cun thlawsuah a hmu teng teng.Peknak lawng ih hniksak duh tu Pathian a si.

CT: Minung pakhat ciar hrangah Pathian in tumtahnak a neih mi hi ziang a si ti ziangtin kan theithei ding?
LB: Amah Pathian duhdan in nung seh la kan hrang ih a tumtah mi cu kan fiang lohli ding. A duh dan ih kan nun lo ah cun  ziang  kan tuah khalah a tumtah mi thei lo in rin hleih nakin kan khat ringring ding.

CT:Thu dang lo sut leh sal seh la, Nu pi neih na man maw ? na nei  cing kei maw?
LB: Man tuk zo nan neih ding mi  cu Bawipa hngak ih thlacam ringring a si lai.

CT: Na khual tlawn canih phur lo tuah sak tu na nei zo maw?
LB: Mahte tuah si hrih lai.

CT: Zovek lengdawh in na phur lo sawng sehla na duh?

LB:  Hmel tha, Nunnem, i tih zah upat tu si thei sehla ka duh.

CT: Nupa hlim si thei dingin duhdawtnak hi ziangtluk in a thupi?

LB: Mai nupi le pasal parih duhdawt  nak cu zo vek nunau le mipa hnen khalah hlan lo in rinum seh la…nupa duhdawtawk nak cu a hlim um bik ding. Asinan nupa par ih duhdawtnak a thlau thla tu parah cun dam sung
huatawk nak, thenawknak, thahawknak le thihnak tiang a thlen pi the.

CT: Fala nei bang awla , na fala na zoh (treat) tumdan?
LB: Ka duat ding, a thu ka thlun tam sawn ding. Mi zah tlak si sinsin ding in ka kil ding, ka zirh ding, ka cawimawi ding . Mi ziang vek ka si ti ka sim fiang ding.

CT: Pasal tha (good husband) cun nupi tha an sersuah theu ti mi tongfim parih na hmuh ve dan?
LB: A si a dik ka ti. A sinan mi hmuh ih tha takih lang si Nupi parih siakha zet tu Pasal cun a tha zet mi leh thang so sinsin thei mi a nupi cu a siatsuah ih hlei ah beiseinak nei nawn lo nun cau takah a cang ter sawn.

CT: A lo pehtlaih duhtu pawl hrangah pehtlaihnak  in khihhmuh hram.
Email                 : s.larboih7@gmail.com
Facebook         : sunthanglar

(Visited 97 times, 1 visits today)

Comments

comments

3 Comments

  1. Angela Van Sui Bawih says:

    Sumpai neih cun ziangvek VCD LE DVD khal suah a theih.
    Aw that ruangah a si hrimhrim lo ti sehla a fiangbik ding ee.
    Hla suah ding cun aw that taktak a tul…………………………….
    Pathian hnatuan ding cun pianthar taktak a tul…………………

  2. saya James,, says:

    Dear Larboih,

    Pathian in lo hmang sinsin sehlaw,,

    saya James,

    Yangon..

  3. Ruth zingte says:

    Na thu let dan te cu duh um nasa.
    Rawngbawl tui nun le mah nun ah P.T thawi pehtlaih nak thu hi a poi mawh zet ih na hmuh dan hi a tha zet a si. Kei mah nun ih ka ton phah theu mi an si.
    sinan, nu pi na hril dan cu ruah ding um a bang ka ti….heeeeeeeee
    P.T nih lo hmang vivo seh.lungawi saya pa………..

Comments

%d bloggers like this: