Pathian Hawl (God-ography)

Pathian Hawl (God-ography)

Siar:

Hebru 11:1-4 

Zumnak locun Pathian lungawiter a theih lo, ziangahtile Pathian a pantu in
Pathian a um a si ti le a hawltu hnenah laksawng a pe a si ti a zum a ttul a si.    – Hebru 11:6 

Kumkhat Sung Baibal:

–   Ezekiel 10-12

–   Thufim 11:12-21 

America Rampi Khurram Thuthang  ih 2006 an zingzoinak sungah American mino tampi cu khur le ram (geography) thu an thei lotuk an ti. Cumi sungah kum 18-24 karlak ih 63% pawl in Nisuahnaklam ram laifang ramzuk sungah Iraq ram umnak hmun fiangte’n an sim thei lo.                               
 
America khurram thu cu an thei lo sinsin ih 50% in ramzuk parah New York ramtthen an hmu thei lo ih tthenthum tthen khat 1/3 pawl in Louisiana an hmu lo, ih 48% in Mississippi umnak an thei lo, ti a si.
 
Leitlun Khurram thu theih cu nitin nunnak ah a tthahnem, asinan Pathian Thu theih cu atu le kumkhua hrangah a thupi sawn. Hebru 11:6 sungah, Pathian tong ding le lungawiter ding ahcun Amah a um ti kan zum hmaisa a ttul, tiah in sim. Ziangtinso Pathian a um ti cu kan theih thei ding?
 
Pathian ton cu zumnak in a si ih Amah rinsannak le Amah hnen pek awknak in a si. Kan mit ih kan hmuh lo hmanah hih rinnak le pumpeknak cu cakzet in a um a ttul. Hebru ngantu le tirhthlah John ih ruahnak an bang awknak cu: “Bawipa hmuh theinak le Amah lungawiternak cu a Fapa Jesuh Khrih zumnak in a si” (Hebru 11:6; John 14:6) tiah a ti.
 
Pathian ton cu Amah ih tuahnak lawngin  a si. Amah a hawltu in Amah an hmu ding, ziangahtile Pathian in Amah kha Bawipa a si ti an theih theinak dingah thinlung thar a pe hngai ding a si (Jeremiah 29:13-14).
 

  Bawipa ka hawl, ih nehhnu ah ka thei ngah,

Amah ih i hmuh vekin Amah hawl dingah ka thlarau a caangter; 

Maw a dikmi Runtu Bawipa kei in ka lo tong a si lo,

I tongtu cu Nangmah sawn na si.   – Anon
 

 

                                                                        Pathian tong dingah Amah hawl duhnak thinlung kan nei ding.

(Visited 40 times, 1 visits today)

Comments

comments

Comments

%d bloggers like this: