Pathian Duhdawtnak

March 7

Zarhte Ni

Pathian Duhdawtnak

Siar: Rom 5:1-11

  Pathian in ziangtluk so in duhdawt ti cu a langter, misual kan si hrih na cingin kan hrangah Khrih cu a thi!    -Rom 5:8

Kumkhat Sung Baibal:          Daanpeek. 3-4            Marka 10:32-52

 Franklin Graham cu a nauhaklai ah mipuar le thusim ngai lo asinan atu cu a sir awzet. Nikhat cu a pa hnenah tangka dil dingah a ra ih a pa le upa pawl meeting tuahnak ah a rung lut cih.

 Billy Graham in a fapa cu upa pawl thawn theihthiamnak a tuah sak lohli. A fapa ruangah upa pawl ngaithiam a dil hngai lo, ningzak le mawh vekin khal a um lo. Franklin in “Rebel with Cause” timi amai’ thuanthu a nganmi sungah a pa in cuih  ni ih a pekmi duhdawtnak le upatnak a  hngilh thei lozia a ngan.

 Kan fa le pawl in kan duhdawtnak ngah dingah hlawh an ttul lo. Mai’ zawn lawng ruat tumtahnak thawn kan faate duhdaw lo ih kan um ahcun Pathian si loin a raal Satan thluntu kan si. Pathian ih duhdawtnak ngah ding tlak kan si lo. Ngah dingin kan hlawh lo, tthatnak zianghman kan nei lo. “Pathian in ziangtluk in so in duhdawt ti cu a langter. Misual kan si hrih cingin kan hrangah Khrih cu a thi” (Rom 5:8).

Mi thawn kan pehtlaih awknak ah, ahleice in kan faa le thawn kan pezom awknak ah cuvek duhdawtnak langter ding kan si. Kan faate le midang hnenah duhdawtnak le upatnak langter dingih kawh mi kan si. Kan hrangah Khrih a thih tikah ziangvek kan si ti in theihter saal.

                                                   Mi hnenah upatnak le duhdawtnak langter ding i bawm aw Bawipa,

Na hmuihmel keng ih sersiammi kan si theih ringringnak thawn;

Ka sung ihsin na duhdawtnak tleu seh,

Thangtthat le upat na sinak dingah, Amen.

 

Pathian duhdawtnak in

fapa hlo pawl kha mankhung mi thianghlim ah a canter hngai.

Comments

comments

Comments

%d bloggers like this: