Pathian Cu Hna A T.uan

February 1

Nipi Ni

 

Pathian Cu Hna A T.uan

 

Siar:

Filipi 2:12-18

 

Amai’ tumtahmi duh dingah le nan tuah suak dingah Pathian cu nan sungah hna a ttuan a si.         – Filipi 2:13

 

Kumkhat sung Baibal:

          Suahlannak 27-28

          Matthai 21:1-22

 

Kum Thar ah thlengh awk kan duh ruangah January nikhat ihsin kan tuah duhmi thil thar pawl kan thok ttheu. Asinan thla khat hrawng a rung rei tikah kan tuah daan kelte kan tuah saal. Cumi cu thlengawknak nasatuk tuah kan tum ih kan thazaang le thinlung in a neh lo ruangah a si thei.

 

Jesuh dungthluntu ziangmawzat lai in thlengawknak le thlaraulam ih tthansonak dingah pum an pek aw nain an bei a dong ttheu ti ka ruat. Ziangahtile tuah duh ngaingainak thinlung an nei lo ruangah a si.

 

Paul in, “Rundamnak famkim nan ngahnak dingah ttih le tthia phah in ttuan rero uh,” (Filipi 2:12) tiah a forh. Anmah lawng in an tuah lo ding, Pathian in tthanglian dingin le a hna ttuan dingin an sunglam nun in hna a ttuan ding. A hmaisabik thlengh awknak cu an duhhiarnak in a si ding. Pathian in an sungah hna a ttuan ih thlengawk duhnak le tthanso duhnak thinlung a pek hngai. Amai’ tumtahnak duh dingah le an tuahnak dingah Pathian cu an sungah hna a ttuan (c.13).

 

Thlarau tthansonak ngah dingih kan talbuainak ah Pathian in kanmah lawng in taan lo. Amah  ih thungai duh dingah in bawm ih amah duhmi ttuan dingah huham in pek. Amah duhmi ttuan duh dingah amah hnenah bomnak dil aw.

 

Nitin i Ruuntu bang sinsin dingin,

Nitin in ka duhnak ka hlon;

A netnak tiang Khrih in ka thinlung sungah,

Uktu lubik a si tiangin.

 

Thil tuah ding in fialtu huham cahnak cu

kan sungih a ummi Thlarau Thianghlim hnen in a ra.

(Visited 17 times, 1 visits today)

Comments

comments

Comments

%d bloggers like this: