Pathian Bawmtu pawl

March 7

Nipi Ni

Pathian Bawmtu pawl

Siar:

Saam 103 :19-22

Maw nannih vancungmi pawl, a cak le thiltithei, a ttong a ngai ih a thupekmi a thluntu pawl, Bawipa cu thangtthat uh.   -Saam 103:20

Kumkhat Sung Baibal:

–     Daanpeksaalnak 3-4

–      Marka 10:32-52

Nauhak pawl thawn Pathian thu le mi ralttha thiltithei pawl thu kan rel rerolai ah thuruat le, thu hliakhlai paihzet kum 5 mi Tobias in thu pakhat i sut: “Pathian cu  Hercules bangin dungthluntu a nei maw?” a ti. Amah hnakih upa lungfim deuh kum 7 mi in zamrangzet in, “A nei, thawng tampi a nei, vangcungmi pawl tla an si,” a ti.

Vangcungmi thuhla cu relkhawm tamzetmi a si, an thuanthu tla an zum. Mi hrekkhat cu vancungmi hnenah thla an cam, Pathian thawn bangraan ah an ruat. Kan thih tikah vancungmi ah kan cang ti ih ruattu tla an um. Asinan, Bible in a zirh daan cu hiti’n a si:

– Pathian in vancungmi pawl a sersiam (Kolose 1:15-17).

– Vancungmi pawl in Pathian an biak (Neh.9:6). Hotubik ti ih kawhmi an si (Juda 1:9), cherubim (2Siang. 19:15) le seraphim (Isai. 6:1-3) an ti.

– Pathian ih minung pawl an rian (Hebru 1:13-14), an hum, an kilveng (Saam 91:9-12).

– Pathian in ahleice in riantu dingah a ret (Matt. 1:20; Luka 1:26).

– Rundam si dingah kan sualnak kan sir ih Khrih hnen kan pan tikah Pathian ih vancung mi pawl an lungawi (Luka 15:7, 10).

Pathain lawng biak tlak a si. Vancungmi pawl ih an thangtthatnak hla saknak ah tel ve uhsi!

Bawi Jesuh hmin thangtthat cio uh,

Vanmi in thangtthatseh,

Sunlawinak lukhuh khumter uh;

Bawibik, Bawipa in khum seh,

Sunlawinak lukhuh khumter uh,

Bawibik, Bawipa in khum seh.

Vancungmi pawl cu Pathian ih bawmtu ttha an si.

(Visited 35 times, 1 visits today)

Comments

comments

Comments

%d bloggers like this: