Pathian ah Sun ti a Um lo

February 12
Zarhpi Ni

Pathian ah Sun ti a Um lo

Ziangahtile Pathian fa a simi poh in khawvel kha an neh thei. Cule kan zumnak thawngin kannih cu khawvel nehtu kan si.
– 1 John 5:4

Bible Siar Ding: Rom 10:4-17

England ram Halifax khua ah missionary nunau pakhat thlacam sak dingin keimah cu kawh le sawm ka si. Thupizet laakhruak ih kawhnak aw a si ti ka hmu. Cutawk ahcun zumnak a um lo, cutawk ah mithi a um a si, ti ka hmu thei mai.

Minu hnenah hi ti’n ka ti, “Na dam maw?”
Aw diim diangdo tein i hun timi cu, “zumnak ka nei” ti a si.
“Zumnak?” Ziangahsaw na thih zik cuahco? Unau Walshaw, hmii nu hi a thizik si maw? “A si.” Ka kiang ih ding ka rualpa hnenah, “Amah nu hi a thizik thlang si maw?” “Si.”

Ka thinlung sungah thil ziangmaw zummi ka nei ih cumi cu sunnak a dokalhtu a si. Cumi cu Pathian ih in pekmi zumnak a si. A hnenah hiti’n ka sim: “Jesuh hmin in, atu ah zum aw, cule na nung ding.” Anih in, “Ka zum” a ti tikah Pathian in a luzim ihsin a kezim tiang damnak a pek. A hnipuan an hruk sak, a hung nungdam saal.

Bible in, “Zumnak nei uh,” in ti (Mark 11:22). Cumi cu zumnak ka nei tiih kaa ih sim le rel men hi a sim duhmi a si lo. Na thinlung sung muril ihsin zumnak taktak neih ding a sim duhmi a si. Cumi cu Pathian ih Thutiamkammi fekte ih kaihhnget khi a si. Zumtu cun khawvel a neh thei. Paul in, “Zumnak cu Thuthangtha theihnak ihsin a ra ih thuthangtha cu Khrih kan phuannak ihsin a ra” (Rom 10:17) a ti. A thinlung sungin a zum – timi hnakin thil ol deuh na theihmi dang a um maw? Mi zokhal a thinlung sungin a zum! Thinlung sungih zumnak nei lotu cu hih khawvel daan in an nung thei lo ding. Lei tisa daan in an thi ding.

Leilung a duhdawtu cu Pathian taa an si lo. Zumnak na neih asile ziangtinkim hi a man na tah thei dingih na nunnak tla na cekfel aw thei ding. Zumnak in Pathian hnen ihsin lampial lo dingin a thupimi kaihhnget theinak thazaang a lo pe ding.

Zumnak cu harsat caan khal ah a hmun ringring,
Zumnak cun kumkhua sunlawinak hmunah in thlenpi;
Pathian ih Thutiamkam cu thutak ti a hminsin,
Cule Pathian cu na kiangnai ah a ding,
Zumnak cu ziangtiklai caan khalah nehtu a si ringring ding.

Zumnak cu minung sungih Pathian cangvaihnak a si.

@ Smith Wigglesworth

(Visited 19 times, 1 visits today)

Comments

comments

Comments

%d bloggers like this: