Pathian a um taktak lo dawn har in um hlah; London Bus ah

AFP | January 08, 2009Rampi Bus 800 tlun ih “ Pathian a um tak tak lo, na nun donhar nawn hlah nuam aw” tiih Sakhua nei lo pawl ih Khrihtian pawl an thehdarhnak dokalh nak rungih an tar mi cu mani ih sin Britain ram London khawpi ah a tlan thok zo.

Hi an thehdarhnak catlang tar cu London hmun tin ih thehdarh dingin $288,000 lenglo khal mipi hnen ihsin bawmnak an ngah zo thu British Humanist Association pawl cun an sim.

Ariane Sherine kum 28 miih Khristian pawl thehdarhnak London Bus ih an tar mi Pathian an hnawl tu pawl cu kumkhua in “ Hell ah aihramnak” nan tuar ding tiih an tar mi a duhlonak ruangih tuah thok mi a si.

“ Ti fiangsalnak” ti mi hmangih thehdarhnak tuah dingih bawmnak a hawlnak cu British Humanist Association pawlin le Pathian a um lo tiih aupi tu Richard Dawkins, The God Delusion (Pathian atnak lole ruahdan diklonak) ti ngan tu in an bawm.

‘Kum reipi Pathian zumlo pawl ih Bus na rak hngak zo ding ka zum. Tu ah bus 800 voi khatah na hmu ding, hi hin mi pi hnenah lungawi te ih nitin hnattuan theinak a pek ding’ ti’n thuthang la khawm tu pawl a sim. A sim bet vivo nakah ‘kan ni cu mahte zalen zet ih mai zummi sakhuanak biaktheinak ramah kan um hi mivan ttha kan si hlei ce’ a ti bet.

Hmaizarh tlawngkai ni khat ihsin Albert Einstein ih a thusim mi- ‘mimal ih Pathian cu kei ka zum lo, asinan ka hnawng lo, ziangah tile an mah le tawk cio in simfiangnak an nei’ a ti mi khal an tar ding.

Comments

comments

Tags:

2 Comments

  1. “There’s probably no God” is self-contradicting and self-defeating. How can a man say “no God” while calling the name “God”. It is rather an affirming of the existence of God.
    This statement is not scientific, it’s just dismissing the subject not a careful observation.
    How can you know for sure there is no God?
    Do you have any proof?
    Encouragement:
    Even if there is no God you don’t lose anything by believing.
    But if there is God and not believe in Him you lose everything here and after!
    Silas Ren

  2. LAL LIAN KHUP says:

    Pathian aumlo titu pawl cu mido kalh paih pawl hrimhrim an siding kazum.Ziangruang ah tile aum lo an ti thei ah cun aum ruang ah aum lo an ti nak asi.A um lo mi cu um le umlo el awk ding aum lo ih aum mi lawng umleum lo el awk ding aum.

    Pathian aum loti cu an mairuah nak vepakhat maimaiasiko.Thil ziang khal hi sertu um lo in an cangthiam lo ti hi an ruat dah ve lo asi ko.Anmai nom nak ding le thin har reh nak ding an tawl rel ruang ah asi.Khat lam in kan sim asi leMiaa pawl an si kan ti thei.

Comments

%d bloggers like this: