Pathian a um lo ti thehdarhnak, Italy ah

January 18, 2009

Italy mi pawl cun Pathian a um lo tiih khawpi tlan bus ih an tar mi cu mipi pawl le ramkhel tu party pawl ih dodalnak a nasat tuk ruangah cawl ter sal dingin thusuah an tuah. Italy ih an tar mi cu “Pathian a um lo ti cu thuthang sia a si. Nangmah in na ttul lo tihi thuthangtha a si” ti  in Genoa khawpi tlan bus tthenkhat ah cun tar a si.

Thehdarhnak ding hrang lungkimnak cacuk hmin nem dingih an timi cu mipi hnen khalah zem a si zonan thuneihnak neitu (agency) pawl an lung an thleng ruangah, hi kan thil tuahmi cu thehdarhnak tuah dingih siannak thawn a rem aw sal lo a si tiih an sm sal thu Giorgia Vilella of The Italian Union of Atheists and Rationalist Agnostics (UAAR) cun thuthang lakhawm tu pawl a sim ve.

Villella cun hi thu ruangah rorelnak ukil hmai khal ih rel sal nak nei ding an tum thu le Italy khawpi sungah Pathian a um lo tiih thehdarhnak ding hmalaknak cu fehpi thotho an tum thu an sim tel bet.

Pathian a zum lo tu pawl Atheists pawl hin Barcelona, London le Washington ih khawpi bus pawlah Pathian a um lo tiih thehdarhnak cu tarin an tlan tir zo.

(Visited 36 times, 1 visits today)

Comments

comments

Comments

%d bloggers like this: