Pathian a um lo – Atheist in thehdarnak tuah

AAP | October 22: British ram ih Pathian a um zum lo tu (Atheist) pawl in, London khawpi ih mipi pawl cu ziangti zawng khal in Pathian a um lo tiin theh larnak nasa zet in a nei.

A nihmaisabik ih an thehlarnak cu sml. 24 a kim hlanah an tumtah hnak ih a let 9 in London khawpi ih Bus pawl ah an tah ngah. London khawpi hmun 5000 lenglo ih tar ding an zuam ih an catar mi ih an catlang cu “ Na nunnak ruathar hlah, na duhbangin nuam aw, ziangti zawng khal in Pathian a um lo” ti a si.

The Guardian thuthang ca ih a ngan danah cun oct 21, ni zanlam tiang ih an ngah mi zat cu $ 118,300 a kim zo thu a ngan.

Araiane Sherine an catlangtar hrangih cangan tu cun Khristian si lo ruangih hell ram feh ding ih khaw ruah har pawl hrangah thuthar lungawi um kan suahsak a si a tiih, sakhuanak um lo Biaknak, tlawng, rampi si an duh thu khal cu a rel tel.

Church of England ih thu puangtu cun London khawpi sungih British mi 10 ah mi 7 cu zumtu ka si a ti aw tu lawng an si a ti ve.

Atheist pawl ih London Bus parih Pathian a um lo ti an thehlarnak pawl hi January thla ihsin an tlan thok ding.

Comments

comments

Comments

%d bloggers like this: