Pastor Pawlin An Hnatuan Tuanten An Bansannak Thu Pahra

Pastor Pawlin An Hnatuan Tuanten An Bansannak Thu Pahra

(10 Real Reasons Pastors Quit Too Soon)

by Tim Peters

Lettu – Rev. Hre Mang

Tim Peters in www.churchleaders.com ah suahmi cahram a ngan mi asi. A kimcang siar duhtu in mirang in siar ding a hnuai ah a um. A sungthu pawl hi *Statistics from Pastoral Care Inc. in an hmuhsuahmi pawl parah hngat aw in cangantu in a ngan mi asi.

Nangteh na umnak kawhhran pastor pawl phurrit maw na si, bawmtu tha na si, na umnak kawhhran pastor in a hnuailam thu pawl hi a hmuhtawnmi le tuar rero tla asi pang maw, ziangtin pastor pawl Pathian fialmi hnatuan an tuansuak famkim thei ding ti ruahnak in petu dingah American ramah pastor 1700 hnakih tamin an hnatuan an cawlhsannak thu hrampi pawl zoh hnik uhsi.

Hminsin: “Theihtha” timi pawl hi betcawp mi an si.

Over 1,700 pastors leave the ministry every month. Kumkhat sungah kawhhran thar 4,000 tluk din asi ih kawhhran (biak inn) 7000 tlukkhar asi. Ziangthu ruangah pastor tampi in an hnatuan tuanten an cawlhsan, ziangruangah biak inn 7000 kumtin khar asi? A hnuai lam pawl hi thu tlangpi khaikhawm, Pastor pawl hmuhtawnmi ihsin ngansuah mi asi. 

  1. Thanau nak (Discouragement).

Pastor 100 ah 50 (50%) tluk cu an hnatuan hi cang thei sehla suahsan, cawlhsan an duh ringring ti asi. Sawiselnak hi a tam tuk ih bawmtu, lawmnak, a mal tuk. Voi 15 sawiselnak ah voi 1 tluk lawmnak pastor pawl in an tawng. Pastor lawmnak cu a ziamral lohli nan an sawiselnak cu a tang ringring. Cutin sawiselnak tawm lakah kawhhran member pawl khawm paih nawn loin biak inn a lawng vivo tikah pastor tampi in anmah riangri an hnatuan an cawlhsan theu.

Theihtha:

Pastor:Ziangvek sawiselnak na tawng tla le an lo sawiselnak ih lethra in na tuahmi a tha sawn ringring asi.

Mipi: Thlarau rawl a lo cawm rero tu, rawl a lo barh rerotu ih kut cu na keu rero ding maw? Na pastor pa na bawm tikah, milai na bawm si loin Pathian na duhdawtnak, na tihzahnak na langter mi asi.

  1. An palh theu (Failure)

100 ah 70 (70%) pastor pawl hi pastor an tuan thawk hnakin an tuan hnu ah anmah le anmah hi an thiam aw lo, hlawhtling lo ah an ruat awaw. Pastor dang, kawhhran dang pawl thawn an khaikhawm theu tikah an beidawng theu.

Theihtha:

Pastor: Tahthim awknak in a suahpi theu mi thil pahnih cu i) Midang hnakin ka thacuang tiah porh awknak, ii) asilole, midang tluk in ka hlawhtling lo, ka tling lo tiah mahlemah namthlak awknak asi.

Mipi: Pastor pawl hi minung ih hnatuan pekmi an silo. Pathian kawhnak vekin Pathian hnatuan fial mi an si. Pastor pakhat le pakhat tahthim theih an silo. Anmah le hnatuan a dang cio.

  1. A fal in um (Loneliness)

100 ah 70 (70%) pastor pawl in rualpi tha zet tiah an kawh theih mi rualpi nei lo lawnglawng an si. Mi tampi in pastor hnenah bawmnak an dil nan pastor pa hrangah rualpi tha ti thei ding minng an um lo theu. Pastor pawl cu milai an si vekin harsatnak an nei ve. Cui an harsatnak pawl theihpi tu ding khawpin rinsan mi rualpi tha an nei lo theu.

Theihtha:

Pastor: Milai zohman famkim kan um lo vekin pastor khal a famkim lo. Cutin famkim lonak cio cu zalen zetin kawhhran member pawl hnenah pholang ngam ding asi. Cutin kawhhran tuanrel upa pawl le sungtel pawl lak ihsin siseh pawnlam ihsin siseh rualpitha, Khrih ah unau vekin nunpi zir ding asi.

Mipi: Pastor pawl hnenah sawiselnak le bawmnak lawng hawl loin pastor pa hnenah bawmtu tha, rualpi tha si zuam cio sawn ding kan si.

  1. Fellonak (Moral Failure)

100 ah 33 (33%) pastor pawlin nunau mipa pehtlaihnak ah an fel lo thu an sim suak. Pastor pawl (nunau mipa thu) fel lonak cu zumtu menmen fel lonak hnakin tampi a siatsuah sawn theu asi. Nunau mipa lam fel lonak hrial thei dingin lamzin pakhatkhat tuah a tha. A falin nunau thawn (pastor nu hrangah, mipa thawn) tikcu hmang dah lo ding, fala le tlangval vekin biak sawn aw dah lo ding, fala lole tlangval (opposite sex) thawn tawn awk tikah nupi/pasal theihpi ringring a tha. Computer ah siseh video ah siseh pastor le rawngbawltu zumtu hrimhrim in nunau mipa sualnak zuknung pawl zoh hrimhrim lo ding asi. Computer neihmi pawl tla zoh theih lo in tuah theh ding asi.

Theihtha:

Pastor: Nunau (opposite sex) thawn afal in tikcu hmang tlanglo a tha. Lairam ah an hman theu mi taksa nam ter, hmetter tivek hman lo a tha. Thlacam ding khalah a fal in room sungah thlacam tlang lo a tha. Fimkhur ten dinhmun hrial ringring thei a tha.

Mipi: Pastor cu milai asi vekin a falten pastor pa thawn um tlang ding beisei lo a tha (pastor pa ih opposite agenda in).

  1. Sumpai harsatnak (Financial Pressure)

100 ah 70 (70%) pawlin an hlawh ding zat an hlawh lo asi tiah an ruat. An hlawhman a mal tikah an insang, nupi fanau an zoh duh vekin an zoh theih lo tikah an kiangkap ah an rualpi pawl in motor thatha, inn thatha, thawn an nupi fanau nuamnung zetin an ret lai ah harsa zetin an nun tikah beidawng in sumpai hawl in pawnlamah an suak ih an pastor hnatuan an bansan theu.

Theihtha:

Pastor: Sumpai lam budget tuahtha tha zetin pastor pawlin zir le theih, hman, nunpi thiam a thupi.

Mipi: Pastor pawlin an thlahlawh lawng si loin sungtel pawlin pastor te tulsam mi bawmbawi in ziangtin anmah le dinhmun thawn mil aw mi, an tuanman an ngah ding peksuah thiam ding asi. Thenhra thenkhat (1/10) cu puithiam pawl ei ding ti a rak sin an santhar san ah 1/10 cu puithiam pawl pek asi nawn lo tikah pastor hi farah ding, har tuar ter ding tiah ruah ding asi lo. An tuanman cu ei dingin Bible in a simmi asi sawn.

  1. Thinhengnak (Anger)

America ramah kumtin te biak inn (kawhhran) thar 4,000 dinsuah asi lai aih biak inn 7,000 khar asi. Biak inn sungah sungtel pawl an khawm mal deuhdeuh, an phunzai, sawiselnak a tam sinsin, hlawhman a mal, tvp, in kawhhran sung buainak ruangah thinheng hngirteu in pastor tampi an um. Cutin pastor lungawi lonak cun kawhhran member pawl lakah meisa kang vekin a karhzai vivo. Netnak ah pastor tampi in an hnatuan an cawlhsan.

Theihtha:

Pastor: Satan hmanrua tha bik pakhat cu zumtu pawl “Bawipa ah kan lungawinak” siatsuah asi. Ziangah tile “Bawipa ah kan lungawinak cu kan cahnak asi.” Thlaici forh dingin le tidai tawih dingin lo lakah a vaktu cu milai sihman sehla a keih tertu le thangtertu cu Pathian asi.

Mipi: Pastor pawl thinhengnak tuahtu si hi nuntawinak, siat tawnnak asi. Na umnak kawhhran ah siseh khui tawk hmun khalah pastor pawl thinheng nak tuah tahratin satan hnatuanpi na si ding maw, Pathian siahhlawh pawl bawmtu tha si in Pathian hmanrua na si ding maw, hril ding na nei.

  1. Cau-rau (Burnout)

100 ah 90 (90%) pastor pawl hi zarhkhat sungah nahzi 55-75 hna an tuan. Sunzan, zingsim, zarhtawp ti um loin biak inn sung hantuan lawng si loin inn tin mino damlo, sizung, thawng inn, accident nak hmun siseh member pawlih an sawr, an ko, an fial, anmah te hnatuan ding an hawl ih an tuan thei nawn lo tiang in nitin an tikcu can, an thazang le ruahnak cem ko hna an tuan. Curuangah pastor pawl cu hahdam zetin cawlh hahdam, thuruat, Bible zir, Pathian pawlkom awknak nei ding an sisawn.

Theihtha:

Pastor: kawhhran hruaitu pawl liangparah hnatuan tampi hngat thei dingin tuah ding asi. Pastor lawnglawng in ziangkim tuan theh ding asi lo. Kawhhran upa/deacon pawl in kawhhran member pawl zoh, kilkhawi, bawmbawi, sawn ding an si. Cutin an hnatuan tuan suak thei dingin zirh, kaihhruai ding an si.

Mipi: Pastor in Pathian tuanvo pek vekin hnatuan, thuthangtha simsuah le nunpi thei dingin thildang hnatuan phut ding an silo. Anmahte hahdam zet in thinlung dai zet in Pathian Thlarau kaihhruainak in an nung ih an lungsungah Pathian fial vekin thildang (social) hnatuan khal tuan ding an si sawn. Pastor parah thuneihnak nei in siseh phutmi nei in uktu vekin phurrit pek ding asilo.

Taksa harhdamnak (Physical Health)

100 ah 75 (75%) pastor pawl hi thinlung bang (stree-related) ruangah dam lonak an nei (an rawngbawl sung can khatkhat ah) ti asi. Pastor hrekkhat cu hnatuan ah an buai tuk tikah an taksa thaten an kilkhawi lo. Ei in an fimkhur lo. Cawlh hahdamnak can tha an hmang lo. Exercise an tuah lo.

Theihtha:

Pastor: Thinlung, taksa, thlarau hardam nak hrangah pastor pawlin tuah hrimhrim dingmi asi. Harhdam zetin kum saupi Pathian rian thei dingin minung lam in tuah thei mi, lehnak, ei in, exercise, tuah in kilkhawi awk ding asi (Pastoir pohpoh pum dur ding ti ah Bible in in zirh lo J )

Mipi: Pastor pawl thinlung bang dingin siseh an harhdamnak tiang siatsuah ding khawp in an rawngbawlnak ah hna an tuan maw, an kiangkap thu buai a um maw, sawlselnak, dodalnak a um maw, tvp zoh in bawmbawi ding kan si sawn. Pastor hrang ah phurrit pet u si hlah uhsi.

  1. Insang (Marriage/Family Problems)

100 ah 80 (80%) pastor pawlin an rawngbawlnak ruangah a sezawngin an inn sangah harsatnak an tawn phah asi tiah an ruat. Biak inn sung, kawhhran hnatuan hi thupi bik ah an ret ih insang cu ngaihsak loin an um tikah insang buainak an tawn phah theu. Nupa, insang hi a thupibikah ret ding asi. Insang siat ding khawp in Pathian in zohman rawngbawl a fial dah lo, nupi pasal nei lo lawlaw an sile thuhran. Cuhnakin insang zohdan, kilkhawi danah zohthim tlak sawn ding asi. Pastor pakkhat in a nupi a pehtlaih nak hnakih thupi sawn leitlun ah pehtlaih nak a nei lo. Nupi fanau kilkhawi pehtlaih nak ah a thupi bikah ret ding asi.

Theihtha:

Pastor: Pathian in insang, nupi fanau a lo pek ahcun cumi siat ding khawp in Pathian in hnatuan a lo fial dah lo ding. A thupi bik sawn cu insang pa, Pathian aiawh in nangmai insang cu duhdawtnak luangliam thawn kilkhawi le nawmpi ding sawn asi.

Mipi: Pastor insang hi ziangtin kan bawm thei dign, an harsatnak ah dinpi in, an nupi fanau pawl tla ulenau vekin zoh ih an harsatnak ah bawmtu tha si thei zuam ding kan si. Pastor insang, nupi le fanau pawl hi dodal, zoh tleu ding an si lo. Pathian nan duhdawrtnak cu Pathian in amai aiawh in kawhhran ah riantu a siahhlawh a retmi pawl nan duhdawtnak in langter ding asi. Pastor hnen ihsin ngahnak lawng duh in a nupi le fanau duhdawt lo asile thiltha asilo.

  1. Buai tuk (Too Busy/Driven)

100 ah 90 (90%) pastor pawl hi an hnatuan dingmi tiah an ruahmi fel famkim zetin a tuan thei lo lawnglawng an si. An hnatuan kaihmi kilkip ah famkim zetin tuan dignah zirnak an tlasam ringring. Buai tuk ringring (busy) hi thiltha asilo. Cuhnakin thinlung le taksa hahdam zetin ziangkim Pathian hmai ah thu bur hmaisa hnu ah ciamciam ten hnatuan ding asi.

Theihtha:

Pastor: buai tuk (busy) nak in thil tampi a siatsuah sawn theu. Curuangah “No” ti zirh a tul. Mipi pawl phutmi pohpoh “e law” ti ding asilo. Pathian thu sawn ah dingzetin din ding asi. A thupi khaikhawm thiam (prioritized) tuah thiam in nepnawi ah buai rero ding asilo.

Mipi: Pastor pawl tuah dingmi parah zohman in thuneihnak an neilo, Pathian lawng in thuneihnak a nei. Pastor in a tuah dingmi a tuah lo ih daithlang in a to men, a vaktawi men siar lo, mipi pawl in duhdan tangdor nak thawn sim a thiang. Asinan pastor phurrit pe tahratin himi kha mi tuah aw, tiah pastor hi uk ding asilo. Hahdam zetin thinlung dai ten Pathian thawn pawlkom awknak tikcu hmangin tuu rual khal ding an si.

Source: www.churchleaders.com

10 Real Reasons Pastors Quit Too Soon

by Tim Peters

Over 1,700 pastors leave the ministry every month. This staggering number includes some of the brightest, most inspiring pastors in the country. To prevent the continued flight of our pastors, we need to understand the cause of the problem. Though every situation is unique, the reasons pastors leave are often similar. Here are 10 common reasons pastors quit too soon.

1. Discouragement

50% of pastors report feeling sodiscouraged they would leave the ministry if they could. Complaints speak louder than compliments. You can receive 15 compliments and one complaint, and the complaint will stick. When you hear criticism and look out to see empty pews, it can be difficult to recognize the positive impact you’re making. The key is to remember: no matter how much negative you hear, you’re always doing 10 times more good.

2. Failure

70% of pastors say they have a lower self-image now than when they started. Many pastors have difficulty recognizing success. They compare themselves to other pastors and other ministries. Comparisons produce only two outcomes: (1) you think you’re better, which results in excessive pride; or (2) you feel like you don’t measure up, which creates a sense of failure. The key is not to compare, but to celebrate your successes.

3. Loneliness

70% of pastors do not have someone they consider a close friend.With so many people looking to pastors for guidance, it can be difficult for pastors to let their guards down. They don’t want to come across as less than perfect. They feel they can’t be transparent and vulnerable. That creates a sense of isolation. It’s important for pastors to find people they can open up and share their struggles with, instead of absorbing and isolating.

4. Moral Failure

33% of pastors confess having involved in inappropriate sexual behavior.The moral failures of pastors are magnified more than the average person. The key to avoiding moral failures is creating a system of risk prevention. When you meet with someone of the opposite sex: let your spouse know, never meet behind closed doors, and do not discuss relationship issues. For pornography, software is available to monitor or block web activity.

5. Financial Pressure

70% of pastors feel grossly underpaid.Most ministries are nonprofits, so pastors are not compensated well. When you can’t fully provide the life you want for your family, it makes it hard to continue. Then you look at friends not in the ministry with big houses and nice cars. Pastors can relieve the pressure with better financial planning. Try following the 8-10-10 rule – 10% to church, 10% to savings, and 80% to live off.

6. Anger

4,000 new churches begin each year and7,000 churches close. When things aren’t going well, pastors become angry – with others, themselves, or God. Thoughts fall along these lines: “I did everything you told me. I went to seminary. I started a ministry. Why are you not doing what you said?” The worst thing about anger is it spreads like wild fire. The medicine for anger is forgiveness. We have to forgive so we can move forward.

7. Burnout

90% of the pastors report working between 55 to 75 hours per week.Pastors are put on a treadmill. They go from the ministry to a hospital visit to writing a sermon to meeting with congregation members. They just keep running until there’s no passion or energy left. They become exhausted and depleted. Vacations and sabbaticals can provide perspective. Another key is empowering other leaders so all the weight is not on the pastor’s shoulders.

8. Physical Health

75% of pastors report significant stress-related crisis at least once in their ministry.Many pastors overwork themselves and simply do not care for their bodies. When you’re busy, it’s easy to eat poorly. But eating the right foods is essential to physical health. It’s the difference between fueling the body and depleting the body. Pastors also don’t get enough rest or regular exercise. Exercise makes a huge difference in physical and mental health.

9. Marriage/Family Problems

80% of pastors believe pastoral ministry has negatively affected their families.Too often, a pastor’s spouse and children end up taking a backseat to the ministry. The key is balance. Marriage has to be a top priority. Your relationship with your spouse is the most important relationship you have on this earth. You have to nurture your family relationships – whether that means having family night or seeking counseling.

10. Too Busy/Driven

90% of pastors feel they are inadequately trained to cope with the ministry demands.A lot of pastors simply are not working efficiently. They are not protecting their calendars or giving themselves the space they need. They haven’t learned how to say “no”. Being busy is not always being productive. Pastors need to find ways to maximize the use of their time. You have to learn how to say “no” at the right times.

Take a look at these 10 points, then pray and ask God: What area do I really need to address? Where am I struggling?Once you identify the areas where you need to improve, take these three steps:

Ask for help. If you’re struggling, there is absolutely nothing wrong with asking someone for help.

Institute accountability.Find a group or person to keep you accountable in the areas you think you are weak.

Take ownership of your choices.More than anyone else, you control the path you walk.

Take actions and precautions to make sure you don’t let any of these 10 reasons separate you from your passion for the ministry and your calling.

www.churchleaders.com

(Visited 71 times, 1 visits today)

Comments

comments

7 Comments

  1. Jesuh Khrih ih kan unau Tim Peters ih canganmi pawl na run tarlang ih a tha tuk.
    Falam tong ten in lehlin sak bet ih siar a manhla sinsin.
    A cem tiang in ka rak siar ngah. English ih nganmi khal ka rak siar cih.
    Na letlin daan siar a nuam zuahzo.

    Leitlun ih hnatuan harsabikpawl hril sehla pastor hnatuan hi a tel hrimhrim ding ka zum. Sal bangin Pathian hrang ih pek awk. Mi aa, hnaseet bang ih um. Bawmtu si thotho etc.

    Pastor hnatuan a harzia simcawk ding le relcawk ding khal a si lo ding.
    Pathian hrang hnatuan a si tikah hnatuan dang thawn tehkhin thei ding khal a si fawn lo.

    Zumtu mipi lam ihsin pastor kan hmuh daan a dangih pastor lam ihsin mipi kan hmuh daan a dang ve. Theithiamawk tonnak neih a si rualrualin theihthiamawklonak cun hmun a luah thuuk sawn theu. Mirang pastor pawl ih harsatnak vek hi kan Laimi pastor pawl khalin an tuar ve ti a lang nasa.
    Cucu, Pastor pawl Pathian sangtu ding le mifamkim dingih kan phuut ringringnak ruangah tla a si thei lai.

    Tim Peters ih nganmi le midang tete pawlih nganmi pawl kan zoh tikah pastor ih harsatnak hi a tawpkhawk a si. Pastor buainak pawl khal a bang aw lo celcel. Zocio khalin kan buainak kan phur thei lo theu. Kan theih cio bangin Pathian lawnglawng in kan harsatnak in sawk zangkhai thei; in hnem in, in famkim tir thei.

    Keimah hi pastor pawl ngainaa ih kom theutu ka si vekin harsatnak in simmi tete ka theih sak theu. Ka mangbang sawn cu pastor pawl hin hitluk buainak nei cing in Pathian thu an sim thei hi ka mangbang sawn. Sawiselnak le harsatnak tampi nei cingin Pathian thu in fah rero thei hi kei cun mak in a sunglawi ka ti ngaingai.
    Curuangah a si, Pastor hnatuan hi mi hleicecuang le hnatuan dang thawn tehkhin thei ding a si lo nak.

    Ka u Van Tuah Piang ih theihkaunak ca le Rev. Hre Mang ih ca thlah mi pawl kan zoh tikah. A nini in zumtu kan dungtolh vivo thu kan hmu thei. Baibal khalih sim cia mi a si ko. USA, Australia le ram dangdang ah tlawng ih Christian ca zirmi pawl tla zir nawn lo dingah nawr rero a si. Cutin, simcia kan si bangin zumtu lak lawngah siloin pastor pawl lak khalah buainak a thleng ve.

    Pastor in an hnatuan an bansan ka theih tikah ka lungphang helhel rori. Ka thin a nuam lo zet. Ziangtin, kan pastor pawl tha kan pek sinsin thei ding ti ka ruat cumco cih. Ka hmuh daan zuubui mei can ten ka tarlang ve duh. Pastor camsiat le upat lo zawng cun in ruah sak hram hlah uh.

    Over 1,700 pastors leave the ministry every month
    +++++++++++++++++++++++++++++++++++++++++++

    Kan Laimi pastor pawl hi Pathian ih kawhmi pastor ngaingai kan si maw ti kan zohawk a tul.

    Pathian ih kawhmi an um rualrual in kawhlo mi rem cang daan ih feh lut khal a um aw thei. Cukhal, Pathian rem ruah lamzin a si. Pathian in pastor ding rori a kawhmi pastor cu pastor dang thawn cun an dangaw hrimhrim ding ka zum.
    Pathian in pastor hnatuan dingih a kawh ahcun pastor dang an baan celcel khalah a bansan thei lo ding. Ziangtin, Pathian hnatuan bansan in thil dang kan tuan thei ding? Thil tihnung rapthlak tla a si.

    Circumstance le situation ih kan zumnak le Pathian ih in kawhnak in tleng thei ahcun kan hnget tawk lo a si in ka hmu fawn.

    Pastor hin mipi sawiselnak theihsak tuk lo tum deuh sehla,
    Pastor hi a cangthei tawkin thlarau lam ruat thei sehla,
    Thildang hnakin a kawhhran hrang ruat thei hram sehla,
    Thil dangdang ah telloin amai hnatuan thupibik ah ruat thei sehla,
    Leitlun thil dang thu hnakin Pathian thu rel tam sawn sehla,
    Member pawl rualpi bangin tlangnel thei hram sehla,

    Pathian hnatuan dangdang a um. Pathian ih kawh daan khal a bang aw lo.
    Missionary dingah ram hlapi feh dingih kawh kan si ahcun cutawk ram ah thih tiang rinum thei a tha. Pastor ding ih kawh kan si ahcun circumstance le situation cun in thleng thei lo ding. Rim um zetin retire hlan tiang tuan thei a tha tin ka hmu ve.

    Pastor pawl in Pathian thu pulpit ihsi an phuan rero sung ahcun kawhhran tansan lo hram sehla ka duh. Ziang asikhal, Pastor pakhat in pastor rian colhsan ding khawp ih thu a ruah tikah relax deuh sehla ka duh sak.
    Kawhhran hnen ah colhnak caan thla 1-2 dil lawk sehla Pathian thawn tawngaw sal sehla a tha ding. Cun, hmun dangah khual tlawng lawk sehla malte a zangkai deuh men ding ka zum. Thli thiang hip in!

    Hmun then khat ahcun pastor hi famkim thluh dingih zoh lo nak tla a um thotho.
    Cucing in, kan pastor hi a famkim tawk a si ee! tinak khal a rak um thotho.
    Kei ka pastor hmuh mi le tawn mi pawl tla cu an tawk ka ti lawlaw.

    A thupizet mi cu pastor hin in tampi a pal (hose visit) a tuah ding kha a thupibik sawn lo. A thupi deuh sawn cu an harsatnak le thuthup tiang an share ngam mi pastor a si ding kha a thupi sawn. Kawhhran pakhat sungah duhtawk ih an thuthup zate lo ruah ngamtu member 10 hman nei awla a tha tuk. Sim duh sawn cu pastor ti hnakin ka u tiih kawh thei ding pastor tampi kan suak vivo thei ding ka duh.

    A tlun lam ka zoh sal tikah ka rak ngan am tuk deuh ti ka thei.
    Pastor pawl duhdawtnak le seherhnak ruangah a si.

  2. Ukte,

    Na comment nganmi a sau nan, a ttah zet. Bukaw (balance) zetin na ngan thiam.

  3. U Piangte,

    I lawm ih ka lungawizet.

    Pastor thu an ngan le ka um thei dah lo.
    Siar duh tuk nak le ngan duhnak ka nei ringring.
    Ziangruangah ti ka thei aw hrih lo.

  4. Ukte

    Na comment siar a nuam nasa,
    article pitling a si mai lo sawm.

    Na comment ihsin thasang ka rak ngah.

  5. Ukte,

    Ttha tin ngan ding kha, ttah tin ka ngan sual. Zokhal thil kan ngan/hmuh/zoh tikah, balance zetin kan bukthiam ih, ngan/hmuh/zoh thiam a thupi tuk. Pastor khal siseh, mipi khal siseh, ‘anmah dinhmun ah, um ve sehla’ ti ih thu kan ruatthiam ah cun, thil ttha tampi a suahtir ko ding. Pastor sualnak hlir hmu, pastor tthatnak hlir hmu leh mipi sualnak hlir lawng hmu, mipi tthatlo nak hlir lawng hmuhthiam tivek kha san neilo mi a si…..cawlhrih keng a sau zik aw:)

  6. Pathian hnatuan hi lei tlun ih hnatuan sunglawibik a si tin ka hmu ih pastor pawl le kap dangdang in a tuan tu pawl hi ka sunsak hngai zet theu. theih ban lo ruangah hihlan ah pastor ra rel sia hi ka hmang lo nan thin lung thupih ret mi ka rak nei dah ve,poi ka ti nasa..Pathian hnenah ngaihdam ka dil sal. asinan tu ahcun Pathian hnatuan pakhat relsiat le rak thin nat ter hi tih a nung zet tin ka hmu. asan cu famkim lo nak leitlun ah mi famkim kan um lo ih Pathian lawnghi kan thu rel cat tu ding a si, kan pastor pawl khal minung an si ve ih tlaksamnak an nei ve hrimhrim ding a si tih kan theithiam a tul. pastor relsia tu pawl hi leitlun ih mi zaangfah um bik siin kei cun ka hmu.Pathian hnatuan zoh that hi Pathian hnatuan tu kan si ve tih thei in kan pastor pwl hi theihsak thiam tum uh si. Pastor relsiat hi mah siat ral thang kam rero a sisawn. duhsaknak thawn tlaksamnak remthiam a tul a si.

  7. UPiangte,

    Na balance thiam in tiih ka lungawi.

    Cangan hi a har tukih kan thinlung um vek khalin kan ngan lang thei lo theu.
    Ngan tikah tum lo pipi in a suak ruairo theu.

    Curuangah Sawiselaw lo rori sawiselaw vekin kan thei ih buainak tampi a suak theu. Cuvek rualrual in mak lo tukih rak ngan khal an bo lo.

    Pastor thu hrimhrim ngan tla cu ralrin a tuul tuk.

Comments

%d bloggers like this: