Pasal Hrangih Thusim

June 27 

Zarhte Ni

 

 

 

Siar:

Thufim 1:1-9

 

Ka fapa, na nu le na pa ih simmi thu kha ttha te’n ngai aw.   – Thufim 1:8

 

Kumkhat Sung Baibal:

–   Job 8-10

–   Tirhthlah 8:26-48

 

Tthit um hlan ih bachelor party an tuah ttheu tikah zuri le nunnuam ih au-kionak in a sibik ttheu. Hih party ih ruahnak cu nupi tthitu ding pa a rei  hlan ah innsang ah daite’n umhar in a um cing ding ti a si.

 

Kan dung naite ah ka tupi pakhat in nupi a tthi. A dinpitu ding pa a rualpa in ka tupa Joel ih hrangah bachelor party a tuah sak. Asinan midang pawl ih tuah daan kel vek si loin danglam deuh in thianghlim te’n a tuah sak. Mopa ih hmailam nunnak thar hrangah a tthahnem dingmi ruahnak tthattha run keng cio dingin a sawm mi pawl hnenah a dil hngai.

 

Cuih thaithawh ei khawmnak ih ka va thlen tikah lungawinak mit-hmai thawn pa pawl, pu pawl, unau pawl le rualpi pawl thathozet in thu an rel rero. Mopa ih pa le monu ih pa kha an Khristian innsang ih an rak tontehmi thuhla pawl an simter. An thusimmi cu an bulpak nun, thutak ih tonmi le Bible thawn pehpar awmi tla an si.

 

Thufim ngantu in, “Ka fapa, na nu le na pa ih thusimmi kha ttha te’n ngai aw. An zirhmi ..na lu hrangah lupawng mawizet a si ding” (Thu.1:8-9) a ti.

 

Nupa thar tampi in an tthit awknak cu anmah hlan ih a rak umkhat zotu pawl ih hmuhtonmi fimnak theih duhnak thinlung thawn hram an thawh asile ziangtluk in so Pathian cu sunloih upat a co ding?

 

Duhdawttu, mifim le tangdor nun neitu pawl hnen ihsin,

Ruahnak pekmi a ngaitu hna in pe aw, Bawipa;

Cuti cun sawm-ngiarnak kan ton tikah,

Kan riilbah nawn lo ding.

 

Midang hmuhtonmi par ihsin fimnak ngahtu cu mifim taktak a si.

(Visited 39 times, 1 visits today)

Comments

comments

Comments

%d bloggers like this: