Papua New Guinea cun misualbik an kai ngah saal:

Kan dung January 12, 2010 ih thawnginn ihsin tlansuak thei misualzet pakhat William Kapris cu Papua New Guinea palik pawl cun kan dung zarhte ni ah an kai thei saal. William Kapris tong dingin nunau pakhat cu ‘HumanRight lawyer’ vekin thawng inn sungah a lut ih, cuih nunau cun meithal keng lut in Kapris a pek ruangah a tlansuak thei. Kapris thawn thawngtla mi 12 an tlansuak ih, palik pawl cun midang pakhat tla an kai ngah zo.

Kapris an kaih ngah daan cu palik tuan bawmtu mipi pawl an si ih, a umnak theitu pawlin palik an sim ruangah a si tiah Police Commissioner Gari Baki cun a sim. Kapris hi nunau sualpinak, bank siatsuahnak, palik pakhat thahnak le acozah vanzam siatsuah tumnak thubuai neitu a si. Papua New Guinea ram ahhin kan dung kum December thla ah thawng inn pakhat cu a sungih thawng tla pawlin an siat suah ih, mi (40) lai an rak tlansuak zo. – AFP

Hruaitu Thuthang dang siarbet

(Visited 74 times, 1 visits today)

Comments

comments

Comments

%d bloggers like this: