Palestinian Pawlin Obama Fak

Israel Prime MInister, Benjamin Natanyahu in Palestinian pawlin a hrantei ralkap leh ralthuam  leh Vanzam tumnak Airport neilo dingih ret a tummi cu, Palestinian  Tapung Hamas, hotu Khaled Mesaal cun a pawmlo thu a simih. Isreal PM Benjamin Natanyahu ih thil tidan cu  miphun thleidan awknak tihnung bik a siih, Italy ramih Fascist pawlleh Germany ramih Nazi pawlih rorel nak vekih rorel ah Israel PM Benjamin Natanyahu cu a puh.

Himi laiah Hamas hotupa Khaled Mesaal cun US President, Barack Obama cu a fak zetih,  Palestinian leh Israel karlakih rualrem awknak a um theinak dingih theitawp suahih Isreal ram thensak ih palestinian pawl hrangih ramhran dinsak a duhnak cu  rualrem nak duhtu a si tiah Obama ih hnen ah lungawi thu a sim.

Israel ram lakthen sakih Palestinian pawl hrangih ram hrantei dinsak dingah hin  thil ttul mawipawh zet tuah hmaisak ding a umih cumi cu Palestinian hrangih ramhran te dindingah  Palestinian sungah  pawl pa hnih  Hamas leh Fatah  an umih hipawl karlakih rualrem awknak a um hmaisak a ttul ih, hi  Hamas leh Fatah pawlhi an mah le an mah khal hua awzet an si ruangah  ankar lakih ruamrem awknak um hmaisa loih Isreal ram lak thensak ih Palestinian ram hran dinsak dinghi buainak tam sinsin tisuak tu a si peimaw? tihi an buaipi bik mi a si.

(Visited 56 times, 1 visits today)

Comments

comments

Comments

%d bloggers like this: